Mauritz Devenish trots op uitnemendheid

Die Mauritz Devenish Privaatskool, wat in 1997 gestig is, was nie altyd in Ongwediva geleë nie. “Die skool het met net vyf leerlinge en een onderwyser, Pieter Ebersohn, in verskillende huise in Oshakati en Ongwediva begin,” sê Riana Boshoff, die skoolhoof.Die skool het tans 219 leerlinge en is een van die topdrie presterende skole in die Oshanastreek vir die 2020 nasionale eksamens vir graad 11’s en graad 12’s. Sedert 2013 is die skool in die nasionale top-20.“Die skool het eers net onderrig tot graad 7 aangebied, maar ons bied tans hoërskoolonderrig tot graad 12 aan. Ons is in die proses om die nuwe skoolkurrikulum – wat die A-vlak insluit – toe te pas en te implementeer,” sê Boshoff.Mauritz Devenish Privaatskool se 17 onderwysers insluitend die skoolhoof glo in die sukses van al hul leerlinge. “Met sukses bedoel ons nie net akademiese prestasies nie. Ons wil hê ons leerlinge moet suksesvol wees in alle aspekte van hul lewens. Ons wil hê hulle moet gelukkige en verantwoordelike Namibiese burgers wees,” sê sy.Die skool se missie is om omvattende onderwys te verseker en in stand te hou deur diens, kwaliteit en waarde met die volle betrokkenheid en samewerking tussen onderwysers, ouers, leerlinge en die omliggende gemeenskap.Opvoedkundige boekiesBoshoff sê die My Zone- opvoedkundige boekies was ’n goeie inisiatief en sê dit lewer ’n waardevolle bydrae tot die skoolgemeenskap. “Ons onderwysers gebruik die boekies in hul klaskamers en dit het werklik &#039;n groot verskil tydens die grendeltydperk met die aanlyn onderrig vir ons laerskoolfase gemaak. Ons geniet dit ook om van die kalenders vir ons senior leerlinge gebruik te maak. Dit maak beslis ’n verskil,” sê Boshoff.Motiverende meganismes“Ons was in 2012 ontevrede met die prestasie van ons leerlinge en ons kon hul potensiaal raaksien. Ons het toe besluit om met rekordeksamens vir die eerste en tweede kwartaal te begin om ons leerlinge uit te daag,” sê Boshoff. “Dit het die leerlinge gemotiveer om te verbeter en hard vir hul eindeksamen te studeer. Ons gaan ook deur die eksamenmemo’s om hul foute reg te maak.”Volgens Boshoff het die Covid-19-pandemie die leerlinge se konsentrasie ’n knou gegee. Dus benewens die rekordeksamen het die skool ook met moduletoetse begin; twee per kwartaal waarvan die top-3 leerlinge bekend gemaak word. “Die toekenningseremonie laat ons leerlinge trots en gemotiveerd voel, dus het ons met hierdie proses voortgegaan,” sê sy. Die skool het ook teikendoelwitte vir hul leerlinge.

Mauritz Devenish trots op uitnemendheid

Kommentaar

Republikein 2026-01-16

Meld asseblief aan om kommentaar te lewer

Mauritz Devenish trots op uitnemendheid

Kommentaar

Republikein 2026-01-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.