Die begin van ’n blink toekoms

’n Skool wat begin het onder die vaandel van die Instituut van Bestuurwetenskap het gegroei tot ’n toonaangewende primêre skool in die Khomasstreek. Die Windhoek Sentraal Primêre Skool (WCPS) het sy deure in 2005 met net agt leerlinge in die hoofstad se sakegebied geopen. Die skool se hoofdoel is om bekostigbare en gehalte-onderrig aan te bied om ’n positiewe impak in die lewens van kinders, ouers en die personeel sowel as die publiek te maak.Die skool se missie is om ’n sterk akademiese fondasie vir kinders te lê wat daarop gemik is om leerlinge ’n hupstoot in die lewe te gee om suksesvol te wees. Verder fokus die skool op ’n onderrigstelsel wat leerlinge morele waardes leer, leerlinge voortbring wat akademies uitstekend vaar en om goed gemanierde jong vroue en manne die wêreld in te stuur. “By WCPS maak ons ’n punt daarvan om gehalte-onderrig aan te bied wat leerling leer om sensitief teenoor die verskillende kulture in die samelewing te wees,” het Daniel Nthundu, ’n onderwyser wat reeds meer as 10 jaar by die skool werk, gesê.Volgens die skool se direkteur, Lucy Bolo, maak hulle seker die skool se leeromgewing is vriendelik, wat almal deel van die skool se familie laat voel. Die skool is vir baie bekostigbaar. Bolo het ook gesê die skool het daaglikse spellingtoetse en verpligte wiskunde-probleme wat die leerlinge moet oplos. Dit het die skool gehelp om ’n stimulerende leeromgewing te skep. “Vir die laaste agtereenvolgende 10 jaar – voor die Covid-19-pandemie – was WCPS die wenners van die Khomasstreek se Spelling Bee-kampioenskap,” het Bolo gesê.Bykomend bied die skool ’n verskeidenheid buitemuurse aktiwiteite aan met interessante klubs vir onder meer kook, verkenners, skaak, drama, wiskunde en wetenskap. Die skool spog ook met ’n koderingsklub (tegnologie) sowel as ’n landbouklub.In die tweede semester gaan daar nog talle klubs bygevoeg word, soos ’n huishoudelike, musiek-, boek- en ’n handewerkklub.

Die begin van ’n blink toekoms

Kommentaar

Republikein 2026-01-28

Meld asseblief aan om kommentaar te lewer

Die begin van ’n blink toekoms

Kommentaar

Republikein 2026-01-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.