Yellowstone-heuwels toets vernuf en uithouvermoë

Die Namibiese Motorfiets Enduro-klub het hul 2026-seisoen afgeskop met die eerste byeenkoms van die nasionale kampioenskapsreeks by die Yellowstone-roetes naby die Avisdam aan die oostekant van Windhoek.

Om die seisoen afgelope Saterdag met 65 inskrywings te kon begin, skep opwindende vooruitsigte van groei in die sport.

Yellowstone nommer 1 het 'n ongelooflike dag van wedrenne opgelewer. 'n Indrukwekkende getal van meer as 95% van die ryers het die roete voltooi, wat die vasberadenheid en vaardigheid aandui van elke ryer wat by die wegspringlyn aangetree het.

Die roete het ryers uitgedaag om hul fiksheid, fokus en tegniese vermoë van begin tot einde op die proef te stel. En dis presies waaroor enduro gaan. Vir liefhebbers is daar min dinge beter as 'n roete gevul met passievolle ryers wat die terrein en mekaar met deursettingsvermoë en vasberadenheid aandurf nie.

Die Enduro-klub het gesê: “’n Spesiale dank aan die baanbouers wat die harde werk agter die skerms ingesit het om te verseker dat die roete rybaar en aangenaam vir elke klas was. Julle pogings hou die sport aan die groei en maak hierdie geleenthede moontlik.

“Nog ’n groot dank aan SATCOM vir die feit dat hulle die ‘transponders’ opgedateer en glad laat loop het, wat akkurate tydhouding van baanrondtes vir alle ryers vir die duur van die wedren verseker het.

“Baie geluk aan al die deelnemers wat die uitdaging voltooi het! Ons sien julle almal in April by die wegspringplek by Itumba!”

Die voorste uitslae:

Vroue-ontwikkelingsklas (klas 12)

1 Shannon Gräber (1 uur 46 minute 52 sekondes), 2 Melieke Steyl (1:54:51), 3 Maike Bochert (2:11:07).

Beginners (klas 11)

1 Llewelyn van der Westhuizen (1:48:02), 2 Jean van der Westhuizen (2:14:54), 3 Johannes van der Westhuizen (2:16:39).

Klas 10 juniors

1 Alex Steinfurth (1:39:03), 2 Patrick Geiger (1:42:30), 3 Max Heigan (1:44:03), 4 Richard Jonck (2:36:22), 5 Marco Visser (3:13:34).

Klas 10 seniors

1 Pieter van Helsdinger (1:40:58), 2 Zwayne Blaauw (1:49:05), 3 Fanie Steenkamp (1:50:21), 4 Clive Lang (2:01:39), 5 Wynandt Gouws (2:02:52), 6 Wouter Hough (2:08:07), 7 André Basson (2:27:57), 8 Jacques Jonck (3:18:41).

Klas 7, Intermediêr

1 Duard Wiese (2:22:49), 2 Sean-Collin Gräber (2:25:28), 3 Jean Venter (2:31:18), 4 Heino Windisch (2:36:30), 5 Antonio Monteiro (2:40:59), 6 Harry Kibble (2:41:50), 7 Ernst Swarts (2:46:31), 8 Briaan Kibble (2:47:43), 9 Nikolay Demtschuk (2:49:49), 10 Agilo Tegethoff (2:50:09).

Seniors (klas 5)

1 Jorn Greiter (1:55:02), 2 Rian Kritzinger (2:13:13), 3 Ruan de Lange (2:15:38), 4 Ronald Geiger (2:18:37), 5 Hanré Myburgh (2:35:07), 6 Rowan McNamara (3:49:39), 7 Rinus van Rooyen (3:54:03), 8 Frederick van Greunen (3:59:30).

Senior Pro (klas 2)

1 Quinton Z. van Rooyen (2:35:56), 2 Stuart Pearce (2:41:19), 3 Heiko Stranghöner (2:44:35), 4 Henner Rusch (2:45:07), 5 Corné Visser (2:46:28), 6 Dean Schlechter (2:56:44), 7 Kilian Hamm (3:09:11), 8 Kai Hennes (3:11:58), 9 Bruno Kirschner (3:27:43), 10 Nickle Visser (3:42:23).

• Die enduro-kampioenskap se volgende byeenkoms (nommer 2) is op 11 April by Itumba aan die suidelike buitewyke van die hoofstad.

– [email protected]