'Verkragter’-ma verwys vir psigiatriese evaluasie

’n Sewe-en-dertigjarige vrou wat verlede week in hegtenis geneem is op grond van bewerings dat sy haar negejarige seun by verskeie geleenthede verkrag het, sal vir ’n psigiatriese evaluasie gestuur word.Landdros Lloyd Munyungano het tydens ’n kort verskyning in die Ondangwa-landdroshof borgtog aan haar geweier.Die vrou, wie se naam nie bekend gemaak kan word nie om die identiteit van die slagoffer te beskerm, staan tereg op klagte van verkragting en aanranding. Die saak is tot 13 Mei uitgestel.Die verkragtings het na bewering sedert die begin van die jaar by die informele nedersetting Ongenga in die Oshanastreek plaasgevind. Die vrou is egter eers verlede Maandag gearresteer nadat die seun een van hul bure van die beweerde verkragtings vertel het. Dié persoon het die seun en sy ma na die Okaku-polisiekantoor geneem.Die woordvoerder van die polisie in die Oshanastreek, inspekteur Frieda Shikole, het gesê voorlopige ondersoeke dui daarop dat die verdagte die seun uitgetrek en sy penis gestreel het voordat sy hom beveel het om seks met haar te hê. “In ’n afsonderlike voorval het die verdagte glo vuurmaakhout gebruik om die seun te verbrand toe hy geweier het om seksuele dade met haar te pleeg.” – republikein@republikein.com.na

'Verkragter’-ma verwys vir psigiatriese evaluasie

Kommentaar

Republikein 2025-11-04

Meld asseblief aan om kommentaar te lewer

'Verkragter’-ma verwys vir psigiatriese evaluasie

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.