Tweejariges ‘van hul kinderjare beroof’

Tuyeimo Haidula en Enzo Amuele – Haar dogter en dié se niggie, albei twee jaar oud, is na bewering binne minder as 30 minute deur ’n 18-jarige man op die dorp Omupini in die Ohangwenastreek verkrag.Op 14 Februarie het Johanna* se lewe uitmekaar geval.Drie dae later verwerk sy steeds die gebeure van daardie dag.“Hulle is van hul kinderjare beroof. Ek probeer dit nou nog in my kop uitwerk,” sê een van die slagoffers se ma. Die adjunkkommissaris vir misdaadondersoeke in die Ohangwenastreek, insp. Zacharias Amakali, het gesê Simon Nande (18) het die tweejarige meisies in sy werkgewer se huis gevind, hulle na ’n slaapkamer geneem en hulle verkrag.“Dit is ontdek toe een van die slagoffers hard begin huil het en nie kon loop nie.”Nande, ’n Angolese burger wat skaars ’n maand as ’n bokwagter in diens was, het Vrydag in die Okongo-landdroshof voor landdros Helvi Shilemba verskyn. Sy saak is tot 2 Mei uitgestel vir verdere polisieondersoeke. Staatsaanklaer Pallhus Shuudeni het borgtog sterk teengestaan weens die “skokkende en ontstellende” aard van die voorval.‘IETS MOES GEBEUR HET’Johanna het met ons susterkoerant Namibian Sun gesels by die woning waar die voorval plaasgevind het. Vier kinders speel onder ’n maroelaboom. Een is twee, terwyl die ander oor ’n maand drie word.Johanna het gesê sy het die twee by die huis gelos om te speel toe sy haar selfoon na ’n cuca-winkel – sowat 700 meter van die huis af – geneem het sodat hulle dit daar kan laai.Sy voeg vinnig by dat sy nie drink nie. “As die wêreld moet dink ek het alkohol gaan drink... Glad nie. Ek moes eenvoudig my foon laat laai.”Johanna het gesê sy het saam met ’n vriendin terug huis toe gehaas. Op hul pad kon sy haar dogter hoor huil. Toe sy by die huis aankom, het die kleuter nie soos gewoonlik na haar toe gehardloop nie. Johanna het toe besef sy loop anders.Sy het Nande se gedrag as “verdedigend” beskryf toe hy gevra is hoekom die kinders huil, en gesê dit het haar laat besef iets moes gebeur het.Sy het die kleuter opgetel om haar te troos en besef sy het haar broek vuil gemaak. “Ek het al gedink dit is vreemd, want sy doen goed met die potjiedissipline.” Sy het bygevoeg sy het ’n lap gebruik om die kleuter af te vee – wat steeds by die huis is, onafgehaal as bewysstuk. Dit is bedek met bloed.Volgens die ontstelde ma kon sy dadelik agterkom iets het baie onlangs gebeur, want toe sy haar dogter se broek uittrek, was dit deurdrenk van bloed.“Ek het geskree toe ek dit die eerste keer gesien het,” het Johanna gesê.Sy kon haar oë nie glo nie. Sy wou haar baba red, maar sy was nie seker hoe nie, het sy gesê.Sy het toe opgemerk dat die tweede kleuter ook gehuil het.Toe sy gevra is wat gebeur het, het die kleuter gesê Nande het ’n “stok uit sy broek gehaal en dit in haar vagina ingesit”.Uiteindelik het Johanna genoeg krag bymekaargemaak om terug te stap na die cuca-winkels en haar selfoon te kry.Hierdie keer het sy die kinders in haar vriendin se sorg gelaat.“Ek het iemand van die vroue- en mansnetwerk gebel om die voorval aan te meld. Hierdie persoon was die een wat my gehelp het om die saak by die polisie aan te meld,” het sy gesê.Johanna het getraumatiseer vertel dat hulle die kinders die volgende dag hospitaal toe geneem het aangesien dit reeds laat was.Toe sy besef haar dogter is moontlik verkrag, het sy reeds die kleuter gewas om haar van ontlasting skoon te maak. Maar sy het nie die ouer kleuter gebad nie, so bewyse kon steeds ingesamel word.PEP VIR ’N MAANDBy die hospitaal is verkragtingstelle Woensdagoggend uitgereik en die kleuters het noodmedikasie ontvang om MIV-infeksie te voorkom. Hulle sal nou vir ’n maand post-blootstelling profilakse (PEP) neem. “Ek wonder hoekom iemand dit aan hierdie onskuldige kinders sal doen. Hulle is so jonk. As ek stilbly, is ek ’n medepligtige in die misdaad teen hierdie kinders,” het die ma gesê.Sy erken dat daar tye is dat ouers hierdie situasies vir die publiek wegsteek, en het ma&#039;s, voogde en enige verkragtingslagoffers aangemoedig om na vore te kom sodat hulle hulp kan kry. *Skuilnaam– republikein@republikein.com.na

Tweejariges ‘van hul kinderjare beroof’

Kommentaar

Republikein 2025-05-01

Meld asseblief aan om kommentaar te lewer

Tweejariges ‘van hul kinderjare beroof’

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie