Sersant sterf op Walvisbaai

‘n Sersant verbonde aan die Namibiese polisie se ondersoekeenheid op Walvisbaai het Woensdag met sy lewe geboet toe hy probeer het om ‘n verdagte man te oortuig om nie sy eie lewe te neem nie. In stede daarvan is sersant Eustance Simasiku Matongo (34) koelbloedig doodgeskiet.Volgens senior inspekteur Hilma Shomongula van die polisie in Erongo het Jacques Pienaar, na bewering ‘n kunstenaar van die Usakos-omgewing, Woensdag omstreeks 21:40 ‘n slagoffer by ‘n dobbelplek op Walvisbaai beroof. Die polisie het op die klagte gereageer en Pienaar gevind waar hy na bewering ‘n wapen teen sy kop gehou het om homself te skiet. Volgens Shomongula het Matongo probeer om Pienaar te oorreed om dit nie te doen nie, maar het hy in stede daarvan die wapen op Matongo gerig en hom geskiet. Sersant Matongo het op die toneel gesterf. Pienaar het van die toneel gevlug, ‘n taxibestuurder in Narraville van sy taxi beroof en Swakopmund toe gejaag. Hy is deur polisiebeamptes agterna gesit en omstreeks 01:00 Donderdag is die taxi verlate in Mondesa gevind. Volgens Shomongula is Pienaar omstreeks 02:40 by die Truck Port op Swakopmund onderskep waar hy probeer het om openbare vervoer te kry. “Voordat polisiebeamptes hom in hegtenis kon neem, het hy sy wapen uitgehaal en is verskeie skote tydens ‘n gestoei afgevuur,” het Shomongula gesê. In die proses is Pienaar ernstig gewond en is hy na die staatshospitaal op Swakopmund gebring waar hy later aan sy skietwonde beswyk het. Die vuurwapen is gekonfiskeer en die ondersoek duur voort. – henriette@republikein.com.na

Sersant sterf op Walvisbaai

Kommentaar

Republikein 2025-12-19

Meld asseblief aan om kommentaar te lewer

Sersant sterf op Walvisbaai

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.