PAS IN: Vyfde verdagte vas ná African Art-roof

Vyf verdagtes is reeds in verband met die gewapende roof vroeër vandeesweek by die juwelierswinkel African Art op Swakopmund vasgetrek.Die bevelvoerder vir gemeenskapspolisiëring in Erongo, insp. Ileni Shapumba, het die arrestasie van die vyfde verdagte bevestig. Die roof het Maandag tussen 09:00 en 10:00 geskied.‘n Suid-Afrikaanse vrou is gisterogeend omstreeks 09:50 in hegtenis geneem en goedere ter waarde van N$273 700 is op beslag gelê ná ‘n wenk van ‘n betroubare bron.Die verdagte het in ‘n B&B in Tulinawa in Mondesa tuisgegaan.Ses mense het Maandag in African Art ingegaan en voorgegee om juwele te koop. Een van die verdagtes het ‘n vuurwapen op die winkeleienaar gerig, geld geëis en juweliersware uit ‘n kabinet geneem. Die waarde van die buit is onbekend.Die man het toe uit die winkel gehardloop en in ‘n wit sewesitplek-sedanmotor (registrasiemerk N203-430W) gespring en weggejaag.Die motor is later in die DRC-nedersetting in Mondesa gevind. Vier van die verdagtes is in gehtenis geneem en van die gesteelde goedere is teruggevind. Die polisie het op die vuurwapen beslag, waarvan die reeksnommer verwyder is.Die verdagtes is drie mans – 31, 42 en 26 jaar oud – en ‘n vrou van 43 jaar.Een verdagte is steeds op vlug, maar die polisie is vol vertroue dat hulle dié persoon sal vasstrek.

PAS IN: Vyfde verdagte vas ná African Art-roof

Kommentaar

Republikein 2025-06-18

Meld asseblief aan om kommentaar te lewer

PAS IN: Vyfde verdagte vas ná African Art-roof

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie