Ontvoering van skoolmeisie misluk
Die Namibiese polisie (Nampol) ondersoek ‘n saak van poging om ‘n skoolmeisie van die Laerskool Moses Garoeb in Windhoek te ontvoer.
Die hoofwoordvoerder van Nampol, adj.komm. Kauna Shikwambi, het gister die voorval bevestig en dat ‘n saak van poging tot ontvoering geopen is.
Na aanleiding van inligting wat op sosiale media versprei is in verband met 'n beweerde poging van ontvoering van leerlinge by dié laerskool Woensdag, het Nampol 'n ondersoek van stapel gestuur, “veral oor die beweerde voorval van die Moses Garoeb-leerling,” het Shikwambi gesê.
“Die polisie moes optree, gegewe die huidige situasie van skoolmeisies wat op Okahandja verkrag en vermoor is, want ons kan sulke plasings van sekuriteitsontwrigting en dreigemente vir vrede nie miskyk of ignoreer nie,” het sy bygevoeg.
Sy het gesê maatskaplike werkers van Nampol se eenheid vir geslagsgeweld (GBV) was betrokke en het 'n onderhoud met die slagoffer in die teenwoordigheid van haar ma gevoer.
"Volgens die verslag was die skoolmeisie op pad skool toe, toe sy opgemerk het dat 'n wit sewesitplek-voertuig haar al die pad vanaf Havana op die Monte Christo-pad gevolg het. Toe sy die drierigtingstop van Hakahana bereik het, voordat sy na die skool sou afdraai, het die motor na bewering voor haar ingery," het Shikwambi verduidelik.
"Die bestuurder en 'n passasier was albei swart mans met swart klapmusse op. Een het haar genader en in Engels gesê haar ma het hulle gestuur om haar skool toe te neem, het die meisie vertel. Sy het toe geweier en gesê die skool is naby.
"Hy het na bewering uitgespring en haar van agter gegryp. Sy het dit reggekry om hom met haar kop te slaan en aan die skouer te byt en toe laat hy haar los. Sy het daarin geslaag om te ontsnap en by die skool ingehardloop waar sy die onderwyser in kennis gestel het," lui die verslag.
“Ons doen ‘n beroep op enigiemand met inligting om die Wanaheda-polisiekantoor te kontak,” het Shikwambi versoek.
Teen 12:00 gister was niemand nog in hegtennis geneem nie en geen verdere inligting ingesamel oor vermiste meisies wat glo ook in die voertuig gesien was nie, het sy bevestig.
Shikwambi moedig die publiek aan om inligting so gou as moontlik te deel, “selfs blote verdagte gedrag moet onmiddellik by die polisie aangemeld word, in plaas daarvan om sulke inligting op sosialemediaplatforms te versprei”.
Die polisiewoordvoerder doen ook 'n beroep op die publiek om nie bespiegeling te versprei, kommentaar daarop te lewer, of ongeverifieerde inligting verder op sosiale media te versprei nie: “Dit saai paniek en chaos in die samelewing. Ons is reeds besig met ingewikkelde en ontstellende sake. Ons het die publiek se ondersteuning op alle fronte nodig.”
Die jongste voorval volg op twee onlangse gevalle van die ontvoering, verkragting en moord op twee jong meisies op Okahandja en die verkragting en moord op ‘n tienermeisie.
Shikwambi pleit verder aan ouers: “Beveilig jou kinders, moenie dat hulle ronddwaal of alleen ver afstande loop nie. Hulle is jou verantwoordelikheid. Moet hulle asseblief nie verwaarloos nie en leer hulle om waaksaam te wees en nie met vreemdelinge te praat nie.”
- [email protected]
Die hoofwoordvoerder van Nampol, adj.komm. Kauna Shikwambi, het gister die voorval bevestig en dat ‘n saak van poging tot ontvoering geopen is.
Na aanleiding van inligting wat op sosiale media versprei is in verband met 'n beweerde poging van ontvoering van leerlinge by dié laerskool Woensdag, het Nampol 'n ondersoek van stapel gestuur, “veral oor die beweerde voorval van die Moses Garoeb-leerling,” het Shikwambi gesê.
“Die polisie moes optree, gegewe die huidige situasie van skoolmeisies wat op Okahandja verkrag en vermoor is, want ons kan sulke plasings van sekuriteitsontwrigting en dreigemente vir vrede nie miskyk of ignoreer nie,” het sy bygevoeg.
Sy het gesê maatskaplike werkers van Nampol se eenheid vir geslagsgeweld (GBV) was betrokke en het 'n onderhoud met die slagoffer in die teenwoordigheid van haar ma gevoer.
"Volgens die verslag was die skoolmeisie op pad skool toe, toe sy opgemerk het dat 'n wit sewesitplek-voertuig haar al die pad vanaf Havana op die Monte Christo-pad gevolg het. Toe sy die drierigtingstop van Hakahana bereik het, voordat sy na die skool sou afdraai, het die motor na bewering voor haar ingery," het Shikwambi verduidelik.
"Die bestuurder en 'n passasier was albei swart mans met swart klapmusse op. Een het haar genader en in Engels gesê haar ma het hulle gestuur om haar skool toe te neem, het die meisie vertel. Sy het toe geweier en gesê die skool is naby.
"Hy het na bewering uitgespring en haar van agter gegryp. Sy het dit reggekry om hom met haar kop te slaan en aan die skouer te byt en toe laat hy haar los. Sy het daarin geslaag om te ontsnap en by die skool ingehardloop waar sy die onderwyser in kennis gestel het," lui die verslag.
“Ons doen ‘n beroep op enigiemand met inligting om die Wanaheda-polisiekantoor te kontak,” het Shikwambi versoek.
Teen 12:00 gister was niemand nog in hegtennis geneem nie en geen verdere inligting ingesamel oor vermiste meisies wat glo ook in die voertuig gesien was nie, het sy bevestig.
Shikwambi moedig die publiek aan om inligting so gou as moontlik te deel, “selfs blote verdagte gedrag moet onmiddellik by die polisie aangemeld word, in plaas daarvan om sulke inligting op sosialemediaplatforms te versprei”.
Die polisiewoordvoerder doen ook 'n beroep op die publiek om nie bespiegeling te versprei, kommentaar daarop te lewer, of ongeverifieerde inligting verder op sosiale media te versprei nie: “Dit saai paniek en chaos in die samelewing. Ons is reeds besig met ingewikkelde en ontstellende sake. Ons het die publiek se ondersteuning op alle fronte nodig.”
Die jongste voorval volg op twee onlangse gevalle van die ontvoering, verkragting en moord op twee jong meisies op Okahandja en die verkragting en moord op ‘n tienermeisie.
Shikwambi pleit verder aan ouers: “Beveilig jou kinders, moenie dat hulle ronddwaal of alleen ver afstande loop nie. Hulle is jou verantwoordelikheid. Moet hulle asseblief nie verwaarloos nie en leer hulle om waaksaam te wees en nie met vreemdelinge te praat nie.”
- [email protected]
Kommentaar
Republikein
Geen kommentaar is op hierdie artikel gelaat nie