Omaruru-juwelier van miljoene beroof
N$2,7 miljoen se items gesteel
Juweliersware, horlosies, leerbaadjies, 'n pistool en Krugerrande is tydens 'n inbraak by 'n juwelier se huis op Omaruru gebuit.
Items ter waarde van N$2,7 miljoen, wat N$2 miljoen se goue Krugerrande insluit, is tydens 'n onlangse inbraak by die Mausberg-gesin se huis op Omaruru gesteel.
Me. Anette Mausberg, 'n juwelier, het gesê sy was op die gesin se plot naby Omaruru en dat haar man na Windhoek vertrek het. Hul huishulp, Alexia, wat al 17 jaar by die gesin werk en op hul erf in Omaruru woon, was saam met die twee honde by die huis.
Die Mausbergs het Dinsdag ’n oproep van Alexia ontvang om hulle oor die inbraak in te lig. Dit blyk asof die inbreker (of inbrekers) daarin geslaag het om toegang tot die huis te verkry deur 'n venster wat in digte plantegroei in die tuin versteek is.
“Niks was in die huis rondgestrooi nie. Dit het gelyk of hulle presies geweet het waar om alles te kry; om alles net mooi op te tel en alles in orde te laat,” het Mausberg gesê.
Die gesteelde goedere sluit 'n 9 mm-pistool, N$50 00 se horlosies, N$40 000 se leerbaadjies, sowat N$600 000 se juweliersware en 102 Krugerrande met 'n totale waarde van N$2 miljoen in.
Die polisie ondersoek tans die voorval. Indien enigiemand kennis dra van die gesteelde items wat te koop aangebied word, moet hulle asseblief dadelik die polisie kontak.
– [email protected]
Me. Anette Mausberg, 'n juwelier, het gesê sy was op die gesin se plot naby Omaruru en dat haar man na Windhoek vertrek het. Hul huishulp, Alexia, wat al 17 jaar by die gesin werk en op hul erf in Omaruru woon, was saam met die twee honde by die huis.
Die Mausbergs het Dinsdag ’n oproep van Alexia ontvang om hulle oor die inbraak in te lig. Dit blyk asof die inbreker (of inbrekers) daarin geslaag het om toegang tot die huis te verkry deur 'n venster wat in digte plantegroei in die tuin versteek is.
“Niks was in die huis rondgestrooi nie. Dit het gelyk of hulle presies geweet het waar om alles te kry; om alles net mooi op te tel en alles in orde te laat,” het Mausberg gesê.
Die gesteelde goedere sluit 'n 9 mm-pistool, N$50 00 se horlosies, N$40 000 se leerbaadjies, sowat N$600 000 se juweliersware en 102 Krugerrande met 'n totale waarde van N$2 miljoen in.
Die polisie ondersoek tans die voorval. Indien enigiemand kennis dra van die gesteelde items wat te koop aangebied word, moet hulle asseblief dadelik die polisie kontak.
– [email protected]
Kommentaar
Karin Jacobs
'Inside job', verseker