Negejarige glo deur motor gejaag, raakgery
Verdagte nog nie aangekla nie
'n Minderjarige meisie is Sondag na bewering op die Hardapskema doodgery ná die onwettige oes van boontjies.
’n Negejarige meisie is die naweek aan inwendige beserings dood ná ’n inwoner en boer op die Hardapskema haar glo raakgery het.
Die boer het na bewering Hendrina Mupolo, haar ma en nog ander met sy voertuig gejaag nadat hulle boontjies onwettig op sy landerye geoes het.
Volgens die Namibiese polisie se hoof van media, hoofinspekteur Elifas Kuwinga, het die voorval Sondag tussen 08:00 en 09:12 op plot K11 by die Hardapskema naby Mariental plaasgevind.
Kuwinga sê ’n saak van strafbare manslag word teen die boer ondersoek nadat hy na bewering “nalatig iemand se dood veroorsaak het deur met sy Toyota Land Cruiser oor die slagoffer te ry”.
Volgens hom was Mupolo, haar ma en nog ander sonder die verdagte se toestemming op sy landery waar hulle boontjies geoes het.
Kuwinga sê die verdagte het hulle op die landerye gesien en met sy voertuig gejaag. Mupolo het na bewering geval terwyl sy weggehardloop het en die verdagte het oor haar gery. Sy is met inwendige beserings in die staatshospitaal op Mariental opgeneem waar sy later gesterf het.
Volgens Kuwinga is die boer nog nie in hegtenis geneem nie en sal arrestasie eers volg nadat verklarings van getuies volledig afgelê is. – [email protected]
Die boer het na bewering Hendrina Mupolo, haar ma en nog ander met sy voertuig gejaag nadat hulle boontjies onwettig op sy landerye geoes het.
Volgens die Namibiese polisie se hoof van media, hoofinspekteur Elifas Kuwinga, het die voorval Sondag tussen 08:00 en 09:12 op plot K11 by die Hardapskema naby Mariental plaasgevind.
Kuwinga sê ’n saak van strafbare manslag word teen die boer ondersoek nadat hy na bewering “nalatig iemand se dood veroorsaak het deur met sy Toyota Land Cruiser oor die slagoffer te ry”.
Volgens hom was Mupolo, haar ma en nog ander sonder die verdagte se toestemming op sy landery waar hulle boontjies geoes het.
Kuwinga sê die verdagte het hulle op die landerye gesien en met sy voertuig gejaag. Mupolo het na bewering geval terwyl sy weggehardloop het en die verdagte het oor haar gery. Sy is met inwendige beserings in die staatshospitaal op Mariental opgeneem waar sy later gesterf het.
Volgens Kuwinga is die boer nog nie in hegtenis geneem nie en sal arrestasie eers volg nadat verklarings van getuies volledig afgelê is. – [email protected]
Kommentaar
Republikein
Geen kommentaar is op hierdie artikel gelaat nie