Nandi-Ndaitwah gee Hengari die trekpas

President Netumbo Nandi-Ndaitwah het die minister van landbou, visserye, water en grondhervorming Mac Albert Hengari gister amptelik die trekpas gegee, nadat hy Woensdag nie reeds sy bedanking ingedien het nie. Hengari, wat ook een van Nandi-Ndaitwah se agt benoemdes tot die Nasionale Vergadering (NV) was, is ook formeel aan die parlement onttrek.Sy afdanking volg op sy arrestasie Saterdag tydens ’n polisie-geleide operasie waartydens hy na bewering probeer het om ’n vrou om te koop wat hom van verkragting beskuldig en dat hy die pa van haar sewe maande oue baba is. Die adjunk-inspekteur-generaal van die Namibiese polisie, generaal-majoor Elias Mutota, het aan Network Media Hub (NMH) gesê Hengari is in hegtenis geneem terwyl hy glo kontant aan die vrou oorhandig het in ruil daarvoor dat sy die aanklagte teen hom laat vaar. Mutota kon nie die bedrag bevestig nie, maar volgens bronne na aan die ondersoek is dit na bewering N$230 000.AGTERGRONDHengari word deur die polisie ondersoek nadat hy na bewering tussen 2019 en September 2024 herhaalde seksuele kontak met ’n minderjarige gehad het en haar glo ook gedwing het om ’n aborsie te ondergaan.Die saak is aanvanklik in November verlede jaar in Oshakati geopen, maar is vroeg in April vanjaar na Windhoek oorgeplaas waar die beweerde voorvalle glo plaasgevind het.DNS-monsters is op 17 April geneem en by die polisie se instituut vir forensiese wetenskap ingedien.Volgens bronne in die presidensie is Nandi-Ndaitwah oor die ondersoek ingelig. Sy het egter geweier om in te meng en het opdrag gegee dat die polisie met hul werk moet voortgaan. Mutota het gister bevestig dat ’n tweede verdagte, ’n vrou wat vermoedelik verwant is aan die slagoffer, Saterdag saam met Hengari in hegtenis geneem is.Die hoof van die Namibiese polisie, inspekteur-generaal Joseph Shikongo, het bevestig Hengari sou gister formeel aangekla word om die weg vir sy hofverskyning vandag te baan.– republikein@republikein.com.na

Nandi-Ndaitwah gee Hengari die trekpas

Kommentaar

Republikein 2025-04-30

Meld asseblief aan om kommentaar te lewer

Nandi-Ndaitwah gee Hengari die trekpas

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie