N$600 000 opsy vir media-opleiding

Die regering wil 'n landwye opleidingsprogram vir die media van stapel stuur ná kommer oor onsensitiewe verslaggewing oor geslagsgeweld (GBV) teen kinders wat skadelik vir slagoffers is en voortgesette ondersoeke kan belemmer. Die ministerie van geslagsgelykheid en kinderwelsyn het saam met die ministerie van inligting en kommunikasietegnologie (MICT) planne uitgelig om geslagsensitiewe verslaggewing deur gespesialiseerde opleiding te versterk. Hiervoor is N$300 000 vir die 2026/27-boekjaar en 'n verdere N$300 000 vir die volgende jaar begroot. Die inisiatief is tydens 'n media-,navorsing-, inligting- en kommunikasievergadering in Windhoek bekend gestel as deel van die implementering van die nasionale beleid vir geslagsgelykheid. Met 'n totaal van 4 045 bevestige GBV-gevalle wat tussen April 2024 en Februarie 2025 aangemeld is en wat steeds styg, kom die opleidingsinisiatief in 'n tyd waarin Namibië voortgeset steier teen hoë vlakke van geslagsgeweld en stygende kommer oor hoe verslag oor sensitiewe gevalle gedoen word.Beamptes sê verantwoordelike mediadekking speel 'n noodsaaklike rol om die publiek in te lig sonder om die waardigheid van slagoffers of die integriteit van die ondersoeke in gedrang te bring. Klem is ook gelê op die media se invloed in die rig van nasionale gesprekke oor geregtigheid, beskerming en geslagsgelykheid. Die adjunkdirekteur van geslagsgelykheid en wetgewing Penoshinge Shulilifa sê mediadekking speel 'n kragtige rol in die vorm van openbare begrip van GBV. Sy het gewaarsku dat verslaggewing sonder voldoende sensitiwiteit onbedoelde skade kan veroorsaak."Kwessies soos GBV en geweld teen kinders vereis sensitiwiteit," sê Shulilifa. Samewerking en opleiding is daarom noodsaaklik om verslaggewingspraktyke in die mediabedryf te versterk.Sy het verwys na kommer dat sommige dekking foto's van slagoffers of individue betrokke by aktiewe ondersoeke insluit. Dit kan volgens haar konteks in die gedrang bring, ondersoeke raak en potensieel slagoffers weer traumatiseer of openbare interpretasie van gevalle beïnvloed.Volgens 'n tabel vir die implementering van die beleid het die opleidingsprogramme ten doel om mediakapasiteit in geslagsontleding, etiese verslaggewingstandaarde asook verantwoordelike dekking van geslagsverwante kwessies bou. MICT het onakkurate of onsensitiewe verslaggewing oor GBV as 'n ernstige kommer beskryf en sê die media se invloed op openbare opvatting beteken stories wat verkeerd hanteer is, kan waninligting versprei en nasionale pogings verswak om geweld en ongelykheid te takel."Terwyl die meeste joernaliste verantwoordelik verslag doen, is voortgesette kapasiteit noodsaaklik om akkuraatheid, empatie en etiese verslaggewing oor sulke sensitiewe kwessies te bevorder," het die ministerie gesê.Die MICT sal saam met die geslagsministerie en rolspelers in die media werk om deelname van beide staats- en private mediahuise te verseker. Beamptes het die versekering gegee dat die inisiatief nie ten doel het om mediavryheid te beperk nie, maar om professionalisme en etiese standaarde in die verslaggewing van kwesbare groepe te versterk. Volgens die MICT moet verantwoordelike verslaggewing en mediavryheid saam bestaan, met die media wat dien as 'n sleutel vennoot om inwoners in te lig en nasionale ontwikkelingsdoelwitte te ondersteun.Finansieringsmodaliteite word tans nog tussen die twee ministeries finaliseer, met beamptes wat beklemtoon die opleiding vorm deel van breër pogings om geslagsensitiewe kommunikasie te verbeter en mediapraktyke in lyn met nasionale en internasionale verbintenisse tot geslagsgelykheid te bring.Die inisiatief sal na verwagting van stapel gestuur word wanneer planne vir finansiering en implementering gefinaliseer is. Die opleiding se einddoel is om te verseker dat verslaggewing die publiek inlig, terwyl dit die waardigheid en veiligheid van slagoffers van GBV beskerm. - desmarius@nma.com.na

N$600 000 opsy vir media-opleiding

Kommentaar

Republikein 2026-03-26

Meld asseblief aan om kommentaar te lewer

N$600 000 opsy vir media-opleiding

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.