Mislukte omkooppoging rede vir aanval
Staatsaanklaer moes glo N$100 000 kry om borgtog teen te staan
Mateus word deur senior polisiefigure beskryf as die meesterbrein wat 'n wye misdaadnetwerk van agter tralies bestuur.
Die skietaanval op ‘n streeksaanklaer van Ondangwa word glo gekoppel aan ‘n mislukte poging om haar om te koop. Die N$100 000 aan Justine Shiweda was na bewering dat sy nie die borgtog van die voormalige polisiebeampte Abner 'Kapilili' Mateus wat in aanhouding is, sou teenstaan nie.
Polisiebronne sê die kontant wat na bewering deur ‘n tussenganger na aan Shiweda gekanaliseer is, het haar nooit bereik nie. Die tussenganger het glo vir Mateus gelieg en beweer die geld is afgelewer en dat Shiweda ingestem het om nie borgtog teen te staan nie.
Toe Shiweda ‘onverwags’ Mateus se borgtog in die hof teengestaan het, het dit hom glo woedend gemaak en ‘n komplot begin om terug te slaan.
Ondersoekers is van mening 'n wraakplan is gevolglik in Mateus se tronksel gesmee, gebaseer op die aanname dat Shiweda die geld ontvang het, maar steeds die staat verteenwoordig het deur beswaar te maak teen sy vrylating.
Mateus wat deur senior polisiefigure beskryf word as die meesterbrein agter 'n wye misdaadnetwerk van agter tralies – het na bewering die aanval vanuit sy sel gekoördineer. Dit nadat hy mislei is om te glo dat Shiweda hom bedrieg het deur die omkoopgeld te aanvaar, terwyl sy steeds beswaar teen sy borgtog gemaak het.
Sy is op 17 Oktober in ‘n aanval voor haar kinders in die bene geskiet en met ‘n mengsel van soutsuur en swaelsuur in die gesig gegooi. Die aanval het dae ná 'n inbraak by haar huis plaasgevind. Haar motor se vensters is ook stukkend geslaan. Shiweda het sedertdien verskeie operasies ondergaan.
Oshana se polisiebevelvoerder kommissaris Naftal Sakaria het tydens 'n onlangse mediakonferensie bevestig die aanval op Shiweda hou met haar werk verband.
“Ondersoeke het duidelik vasgestel dat hierdie aanval direk gekoppel was aan die slagoffer se amptelike pligte in 'n hoëprofiel-kriminele vervolgingssaak,” het Sakaria gesê wat na Mateus as die vermeende meesterbrein verwys het. Volgens senior polisiebronne is die suur wat in die aanval op Shiweda gebruik is, net in Windhoek en Swakopmund beskikbaar. Twee mans wat dit na bewering op instruksies van Mateus gekoop het, is in hegtenis geneem nadat kringtelevisie-beeldmateriaal (CCTV) gewys het waar hulle dit koop. Mateus se motor is na bewering vir die inkopietog gebruik.
“Daardie suur is so gevaarlik dat, as dit op jou liggaam gegooi word, jy nooit weer sal genees nie,” het 'n bron na aan die saak gesê.
Ses verdagtes is sedertdien in hegtenis geneem, onder wie die prominente mediese praktisyn van Ondangwa, dr. Fillemon ‘Fly’ Nakanduungile, wat verlede week borgtog in die Ondangwa-landdroshof geweier is. Terwyl die presiese aard van sy beweerde betrokkenheid onduidelik bly, het plaaslike media met verwysing na Oshana se koördineerder vir misdaadondersoeke, adjunkkommissaris Frederick Ndjadila berig dat 'n geheime beplanningsvergadering by Nakanduungile se huis gehou is.
Lukas ‘Mane’ Nekwiyu, Sersant Matheus Shipingana, Uusiku Petrus, Selma Bahn, Johannes ‘Giver’ Nghilifavali en Petrus Shikwaya is nog verdagtes wat in hegtenis geneem is. Na bewering het Shikwaya 'n rol gespeel in die aankoop van die suur..
Die groep staan tereg op aanklagte wat wissel van poging tot moord en sameswering om 'n misdaad te pleeg, tot kwaadwillige saakbeskadiging en korrupsie.
Shipingana het hy glo omkoopgeld van N$1 000 aanvaar om Mateus uit die selle by die Windhoek Korrektiewe Dienste te neem onder die voorwendsel dat hy vir mediese sorg geneem word. Mateus is egter na ‘n gastehuis gebring waar hy die dag saam met sy meisie deurgebring het.
Shipingana het na bewering later dronk geword en Mateus nie weer terug selle toe gebring nie. Hy het uiteindelik op sy eie terug wat agterdog laat ontstaan het oor die werklike motief waarom hy uitgeboek is. “[Shipingana] word nie met die Ondangwa-skietery verbind nie. Hy is in hegtenis geneem omdat hy 'n gevangene onder valse voorwendsels uitgeboek het,” het 'n senior polisiebeampte aan Network Media Hub (NMH) gesê.
Die polisie ondersoek ook bewerings dat Mateus 'n groot misdaadsindikaat van agter tralies af bestuur.
“Sy hoofteikens is mense wat pas afgetree het en groot pensioenuitbetalings ontvang het. Hy het kontakte in banke wat die sindikaat waarsku sodra die pensioengeld in is,” het 'n polisiebeampte wat vertroud is met die saak gesê.
“Mateus se groep sou dan polisiebeamptes naboots, 'n vals padblokkade opstel of slagoffers se huise besoek, kriminele bewyse – soos renosterhoring – plant en hulle van stropery of dwelmmisdrywe beskuldig. Hulle konfiskeer telefone, dokumente en bankkaarte, en binne 'n uur word die slagoffers se rekeninge leeggemaak.”
Volgens ondersoekbeamptes beheer Mateus na bewering bedrywighede vanuit sy tronksel, met medepligtiges wat opdragte buite uitvoer. “Hy maak baie geld – miljoene – deur pensioenarisse te teiken. Dit is sy modus operandi,” het een beampte beweer. - [email protected]
Polisiebronne sê die kontant wat na bewering deur ‘n tussenganger na aan Shiweda gekanaliseer is, het haar nooit bereik nie. Die tussenganger het glo vir Mateus gelieg en beweer die geld is afgelewer en dat Shiweda ingestem het om nie borgtog teen te staan nie.
Toe Shiweda ‘onverwags’ Mateus se borgtog in die hof teengestaan het, het dit hom glo woedend gemaak en ‘n komplot begin om terug te slaan.
Ondersoekers is van mening 'n wraakplan is gevolglik in Mateus se tronksel gesmee, gebaseer op die aanname dat Shiweda die geld ontvang het, maar steeds die staat verteenwoordig het deur beswaar te maak teen sy vrylating.
Mateus wat deur senior polisiefigure beskryf word as die meesterbrein agter 'n wye misdaadnetwerk van agter tralies – het na bewering die aanval vanuit sy sel gekoördineer. Dit nadat hy mislei is om te glo dat Shiweda hom bedrieg het deur die omkoopgeld te aanvaar, terwyl sy steeds beswaar teen sy borgtog gemaak het.
Sy is op 17 Oktober in ‘n aanval voor haar kinders in die bene geskiet en met ‘n mengsel van soutsuur en swaelsuur in die gesig gegooi. Die aanval het dae ná 'n inbraak by haar huis plaasgevind. Haar motor se vensters is ook stukkend geslaan. Shiweda het sedertdien verskeie operasies ondergaan.
Oshana se polisiebevelvoerder kommissaris Naftal Sakaria het tydens 'n onlangse mediakonferensie bevestig die aanval op Shiweda hou met haar werk verband.
“Ondersoeke het duidelik vasgestel dat hierdie aanval direk gekoppel was aan die slagoffer se amptelike pligte in 'n hoëprofiel-kriminele vervolgingssaak,” het Sakaria gesê wat na Mateus as die vermeende meesterbrein verwys het. Volgens senior polisiebronne is die suur wat in die aanval op Shiweda gebruik is, net in Windhoek en Swakopmund beskikbaar. Twee mans wat dit na bewering op instruksies van Mateus gekoop het, is in hegtenis geneem nadat kringtelevisie-beeldmateriaal (CCTV) gewys het waar hulle dit koop. Mateus se motor is na bewering vir die inkopietog gebruik.
“Daardie suur is so gevaarlik dat, as dit op jou liggaam gegooi word, jy nooit weer sal genees nie,” het 'n bron na aan die saak gesê.
Ses verdagtes is sedertdien in hegtenis geneem, onder wie die prominente mediese praktisyn van Ondangwa, dr. Fillemon ‘Fly’ Nakanduungile, wat verlede week borgtog in die Ondangwa-landdroshof geweier is. Terwyl die presiese aard van sy beweerde betrokkenheid onduidelik bly, het plaaslike media met verwysing na Oshana se koördineerder vir misdaadondersoeke, adjunkkommissaris Frederick Ndjadila berig dat 'n geheime beplanningsvergadering by Nakanduungile se huis gehou is.
Lukas ‘Mane’ Nekwiyu, Sersant Matheus Shipingana, Uusiku Petrus, Selma Bahn, Johannes ‘Giver’ Nghilifavali en Petrus Shikwaya is nog verdagtes wat in hegtenis geneem is. Na bewering het Shikwaya 'n rol gespeel in die aankoop van die suur..
Die groep staan tereg op aanklagte wat wissel van poging tot moord en sameswering om 'n misdaad te pleeg, tot kwaadwillige saakbeskadiging en korrupsie.
Shipingana het hy glo omkoopgeld van N$1 000 aanvaar om Mateus uit die selle by die Windhoek Korrektiewe Dienste te neem onder die voorwendsel dat hy vir mediese sorg geneem word. Mateus is egter na ‘n gastehuis gebring waar hy die dag saam met sy meisie deurgebring het.
Shipingana het na bewering later dronk geword en Mateus nie weer terug selle toe gebring nie. Hy het uiteindelik op sy eie terug wat agterdog laat ontstaan het oor die werklike motief waarom hy uitgeboek is. “[Shipingana] word nie met die Ondangwa-skietery verbind nie. Hy is in hegtenis geneem omdat hy 'n gevangene onder valse voorwendsels uitgeboek het,” het 'n senior polisiebeampte aan Network Media Hub (NMH) gesê.
Die polisie ondersoek ook bewerings dat Mateus 'n groot misdaadsindikaat van agter tralies af bestuur.
“Sy hoofteikens is mense wat pas afgetree het en groot pensioenuitbetalings ontvang het. Hy het kontakte in banke wat die sindikaat waarsku sodra die pensioengeld in is,” het 'n polisiebeampte wat vertroud is met die saak gesê.
“Mateus se groep sou dan polisiebeamptes naboots, 'n vals padblokkade opstel of slagoffers se huise besoek, kriminele bewyse – soos renosterhoring – plant en hulle van stropery of dwelmmisdrywe beskuldig. Hulle konfiskeer telefone, dokumente en bankkaarte, en binne 'n uur word die slagoffers se rekeninge leeggemaak.”
Volgens ondersoekbeamptes beheer Mateus na bewering bedrywighede vanuit sy tronksel, met medepligtiges wat opdragte buite uitvoer. “Hy maak baie geld – miljoene – deur pensioenarisse te teiken. Dit is sy modus operandi,” het een beampte beweer. - [email protected]
Kommentaar
Republikein
Geen kommentaar is op hierdie artikel gelaat nie