Misdaad versprei soos veldbrand

’n Egpaar van Suid-Afrika is Saterdagoggend vroeg in hul tent by die Uitkyk Lodge by Usakos met ’n mes gedreig. Twee gewapende verdagtes het na bewering die man vasgebind en met kontant, fone, klere, kredietkaarte en voertuigsleutels met ’n totale waarde van N$42 000, op die vlug geslaan. Geen verdagtes is nog in hegtenis geneem nie.Dié voorval het deel gevorm van ’n misdaadverslag wat die Namibiese polisie (Nampol) Sondag uitgereik het, wat verskeie voorvalle uiteensit, wat wissel van verkragting, wildsropery tot dwelmmisdrywe.In Wanaheda, Katutura, is 'n 46-jarige man Saterdagaand noodlottig met 'n mes gesteek ná 'n bakleiery by ’n kroeg. Volgens die polisie het die voorval geëskaleer nadat die slagoffer die verdagte met 'n hamer geslaan het, wat die verdagte glo genoop het om die slagoffer met sy eie mes te steek. Die verdagte het homself later aan die polisie oorgegee.Intussen het die polisie op Groot-Aub 'n 18-jarige seun in hegtenis geneem na 'n beweerde verkragting van 'n 11-jarige meisie. Die voorval het in 'n gedeelde huis plaasgevind waar die verdagte die meisie na 'n slaapkamer geroep het voordat hy haar glo verkrag het. Soortgelyke gevalle van verkragting waarby minderjariges (12 en 14) betrokke was, is onderskeidelik op Kamanjab en Omulunga en Tallismanus gerapporteer is, met verdagtes wat óf in hegtenis geneem is óf steeds gesoek word.Vermoedelike brandstigting en kwaadwillige saakbeskadiging is op Tsumeb aangemeld, waar 'n kantoorgebou van Prosperity Health aan die brand gesteek is en 'n voertuig met suur beskadig is. Niemand is nog in hegtenis geneem nie. Op Hentiesbaai is 'n bedrogsaak aanhangig gemaak nadat 'n verdagte hom as 'n polisiebeampte voorgedoen het en byna N$5 000 van 'n slagoffer afgepers het deur te beweer dat 'n lasbrief vir inhegtenisneming uitgereik is.VEE- EN WILDSTROPERYNampol ondersoek ’n saak van dieremishandeling en onwettige betreding nadat onbekende verdagtes ’n bees op die Plaas Davetsaub No. 29 in die Otjimbingwe-omgewing glo met ’n onbekende voorwerp in die maag gesteek het. Die voorval het verlede week tussen Donderdag en Vrydag plaasgevind. Volgens die polisie het die verdagtes die eiendom sonder die eienaar se toestemming betree. Die bees ter waarde van N$15 000, kon nie loop. Niemand is nog in verband met die voorval in hegtenis geneem nie.By Otjiwarongo en Kalkfeld is verdagtes in hegtenis geneem vir onwettige jag van gemsbokke. By 'n padblokkade tussen Otjiwarongo en Otavi is twee mans (41 en 26) in hegtenis geneem nadat hulle in besit van ses 50 kg-sakke gedroogde gemsbokvleis sonder 'n permit gevind is. Op die plaas Ongondore in die Kalkfeld-omgewing is 'n gemsbok glo deur vyf verdagtes onwettig gejag met twee mans (41 en 24) wat vasgetrek is en drie wat weggehardloop het. Volgens Nampol is hulle bekend. 'n Gemsbok se waarde word op N$6 000 bereken.DWELMBESITDie verslag het ook talle dwelmverwante arrestasies in dorpe soos Swakopmund, Walvisbaai, Rehoboth, Khorixas, Mariental, Gochas en Maltahöhe uitgelig. Verdagtes is in besit van dagga, Mandrax en crack-kokaïen gevind, met stowwe ter waarde van tienduisende dollars. 'n Vrou (27) is glo met 10 sakkies dagga versteek in haar handsak op Gochas betrap, terwyl verskeie verdagtes in Rehoboth en Mariental met groot hoeveelhede mandrax-tablette betrap is.Twee gevalle van selfmood is op Ondobe en Otjiwarongo aangemeld, waarby onderskeidelik 'n 33-jarige vrou en 'n 44-jarige man betrokke was. Beide sake is onderhewig aan 'n geregtelike doodsondersoek en geen vuilspel word vermoed nie. Polisie-ondersoeke na alle aangemelde sake duur voort.

Misdaad versprei soos veldbrand

Kommentaar

Republikein 2025-12-17

Meld asseblief aan om kommentaar te lewer

Misdaad versprei soos veldbrand

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.