Lid van stadspolisie skiet man wat glo handsak gryp
‘n Lid van die Windhoekse Stadspolisie het na bewering in die vroeë oggendure van Sondag ‘n man geskiet wat ‘n vrou se handsak glo probeer steel het. Die man is op slag dood. Die voorval het Sondag omstreeks 03:30 in Josephinastraat in die Greenwell Matongo-nedersetting plaasgevind.
By ‘n sjebeen op Stampriet is ‘n 30-jarige man in hegtenis geneem, nadat hy ‘n 31-jarige man glo met 'n mes in die nek gesteek het. Die oorledene het hom voor dit op die ken geslaan.
‘n Onderonsie in Katutura tussen twee mans oor 'n vrou het 'n dodelike einde gehad toe 'n 40-jarige verdagte vir Petrus Karigub gestoot en hy sy kop gekap het. Hy is op die toneel dood verklaar.
In Mondesa, Swakopmund is twee mans in hegtenis geneem in verband met ‘n beweerde poging tot moord nadat ‘n man met verskeie wonde aan sy kop en in sy gesig gevind is. Die man is naak in 'n plas bloed omstreeks 01:28 in Frans Indongostraat agter Woermann Brock in die woonbuurt gevind. Hy is aanvanklik in die staatshospitaal op die dorp opgeneem en later na die Katutura-staatshospitaal in Windhoek vir verdere mediese behandeling vervoer. Hy is bruin van voorkoms, gespierd en het 'n Rasta-haarstyl en is nog nie geïdentifiseer nie. Die twee verdagtes is naby die toneel gevind met bloedvlekke op hul klere, sowel as twee plastiekvoorwerpe wat moontlik as moordwapens gebruik is.
By ‘n sjebeen op Stampriet is ‘n 30-jarige man in hegtenis geneem, nadat hy ‘n 31-jarige man glo met 'n mes in die nek gesteek het. Die oorledene het hom voor dit op die ken geslaan.
‘n Onderonsie in Katutura tussen twee mans oor 'n vrou het 'n dodelike einde gehad toe 'n 40-jarige verdagte vir Petrus Karigub gestoot en hy sy kop gekap het. Hy is op die toneel dood verklaar.
In Mondesa, Swakopmund is twee mans in hegtenis geneem in verband met ‘n beweerde poging tot moord nadat ‘n man met verskeie wonde aan sy kop en in sy gesig gevind is. Die man is naak in 'n plas bloed omstreeks 01:28 in Frans Indongostraat agter Woermann Brock in die woonbuurt gevind. Hy is aanvanklik in die staatshospitaal op die dorp opgeneem en later na die Katutura-staatshospitaal in Windhoek vir verdere mediese behandeling vervoer. Hy is bruin van voorkoms, gespierd en het 'n Rasta-haarstyl en is nog nie geïdentifiseer nie. Die twee verdagtes is naby die toneel gevind met bloedvlekke op hul klere, sowel as twee plastiekvoorwerpe wat moontlik as moordwapens gebruik is.
Kommentaar
Republikein
Geen kommentaar is op hierdie artikel gelaat nie