Kort nuus

Maltahöhe/Ongwediva’n Ma is op Maltahöhe in hegtenis geneem nadat sy na bewering haar baba van vier maande oud vir ’n lang tydperk alleen by die huis gelos het sonder kos of enigiemand om na die baba om te sien. Die geval word deur maatskaplike dienste hanteer. Op Ongwediva word daar ook ondersoek ingestel nadat ’n ma na bewering haar baba van drie maande oud by die huis gelos en na die mahangu-veld gegaan het. Met haar terugkeer om die baba te voed, het sy hom glo leweloos gevind. Katima MuliloTwee Zambiese mans is verlede week in hegtenis geneem in die Choi-Kongola-omgewing nadat hulle volgens die polisie in die besit van vier olifanttande gevind is en geen permit daarvoor gehad het nie. Die waarde van die olifanttande is nog nie bepaal nie. OtjiwarongoTwee inwoners van Otjiwarongo is in hegtenis geneem nadat hulle glo in die besit van ’n impala-trofee en skilpaddop gevind is sonder die besit van die nodige permitte. Die polisie het ook beslag gelê op N$62 440 wat vermoedelik deur onwettige aktiwiteite genereer is. Die waarde van die produkte is nog nie bepaal nie. Warmbad’n Man (22) het verongeluk to hy ongeveer 10 kilometer voor Warmbad uit die rigting van Karasburg na bewering beheer verloor het van sy voertuig met vyf passasiers aan boord. Die bestuurder en passassiers het glo ligte tot ernstige beserings opgedoen. Die polisie het ook glo dagga gevind wat klaarblyklik uit die voertuig gegooi is. Een van die passassiers het na bewering aan die polisie gesê die bestuurder het beheer oor die voertuig toe verloor toe hy die padblokkade gewaar en na bewering die dagga by die venster uitgegooi het. Swakopmund’n Man (29) is aangekla nadat hy na bewering ’n vuurwapen afgevuur het in ’n munisipale gebied toe drie mans glo sy vrou, ’n Zimbabwiër, en sy vriend aangerand het by ’n bekende nagklub. Die man het glo met sy vrou en vriend uit die Salt-nagklub op Swakopmund gestap toe drie onbekende Duitssprekende mans glo hom, sy vrou en vriend begin aanrand het deur haar met die vuis te slaan en te skop. Die man het sy pistool uit sy voertuig gaan haal en twee skote in die lug afgevuur.

Kort nuus

Kommentaar

Republikein 2026-02-04

Meld asseblief aan om kommentaar te lewer

Kort nuus

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.