Kort Nuus

Ondangwa Fetus in asblik gevind’n Gemeenskapslid het Vrydagaand die fetus van ’n baba wat moontlik tussen vier en vyf maande oud was, in ’n asblik in Ondangwa gevind. Niemand is nog in verband met die voorval in hegtenis geneem nie. Die polisie se ondersoek duur voort.KatuturaMan in ’n plas bloed gevind’n Verbyganger het Saterdagoggend ’n 31-jarige man, Petrus Sheya Nghikomenwa, in Herefordstraat in die Lafrenz-nywerheidsgebied in ’n plas bloed met noodlottige steekwonde gevind. Die munisipaliteit se medici het hom op die toneel dood verklaar. Nghikomenwa se naasbestaandes is van sy dood ingelig. Die polisie het nog niemand in verband met die moord in hegtenis geneem nie.Otjiwarongo Neef verkrag glo vrou’n Vrou (29) is die afgelope naweek glo deur haar neef in die informele nedersetting DRK verkrag. Die beweerde verkragting het Saterdag in die vroeë oggendure plaasgevind terwyl die vrou glo onder die invloed van alkohol was. Volgens die polisie se misdaadverslag het die verdagte haar glo na sy kamer geneem en sonder haar toestemming seksuele omgang met haar gehad. Hy sou gister in die landdroshof op Otjiwarongo verskyn.Windhoek Tieners gevang met 1 kg se daggaTwee tieners is die afgelope naweek in hegtenis geneem nadat hulle by die padblokkade tussen Windhoek en Okahandja met 1 kg se dagga aangekeer is. Die verdagtes (onderskeidelik 17 en 19) het Vrydag omstreeks 16:30 by die padblokkade aangekom toe ’n polisiesoektog uitgevoer is. Volgens die polisie se misdaadverslag is die geskatte waarde van die dwelms sowat N$50 000. Die twee tieners sou na verwagting vandag in die landdroshof in Katutura verskyn het op ’n klag van dwelmhandel en die besit van dwelms.Okahandja Bejaarde egpaar aangevalTwee pensioenarisse van onderskeidelik 81 en 83 is die naweek in die vroeë oggendure wakker gemaak deur die geblaf van hul hond en het daarna vier onbekende mans in hul huis in Okahandja aangetref. Die verdagtes het die twee bejaardes met lap vasgebind en hulle in die badkamer toegesluit. Die egpaar het glo omstreeks 16:10 daarin geslaag om hulself los te kry en het hul seun gebel wat die saak by die polisie aangemeld het. Volgens die polisieverslag het die verdagtes items ter waarde van N$400 000 gesteel. Niemand is nog in verband met die diefstal in hegtenis geneem nie.

Kort Nuus

Kommentaar

Republikein 2026-02-03

Meld asseblief aan om kommentaar te lewer

Kort Nuus

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.