Gewoontemisdadigers voed stroperykrisis

Slegs sowat 7% van alle verdagtes wat die afgelope dekade in Namibië vir renosterverwante misdade in hegtenis geneem is, is teen die einde van 2024 skuldig bevind.Sedert 2015 toe die huidige renosterstroperykrisis die eerste keer 'n hoogtepunt bereik het, is 726 renosters teen verlede jaar as gestroop in Namibië aangeteken.Volgens die Namibië Nasionale Verslag oor Wildlewebeskerming vir 2024 het proaktiewe wetstoepassing gelei tot die inhegtenisneming van 855 verdagtes wat van renosterverwante misdade beskuldig word.Die verslag van die van die ministerie van die omgewing, bosbou en toerisme, Namibiese polisie en kantoor van die aanklaer-generaal wys egter daarop dat die gebrek aan ernstige gevolge vir sulke oortredings 'n groot uitdaging vir renosterbewaring en -beskerming in Namibië bly.“’n Groot aantal verdagtes wat in hegtenis geneem word is bekende gewoonteoortreders, ervare misdadigers met vorige arrestasies wat verband hou met renosterverwante misdade, vrygelaat op borgtog in voortdurende hofsake, of kwytgesteld nadat hulle verhoor is,” lui die verslag.GLIP DEUR DIE KRAKEStatistieke toon dat herhaalde arrestasies in renosterverwante misdade soms meer as 50% van die totale arrestasies uitmaak.“Sommige verdagtes is tot agt keer oor die afgelope tien jaar in hegtenis geneem, maar in die meeste gevalle is nie een van hul sake afgehandel nie.”Die waarsku dat baie van die arrestasies steeds betrokke is by vermeende kriminele aktiwiteite.“Dit is nie ongewoon dat hulle op die vlug slaan terwyl hulle op borgtog is nie en sommige verlaat die land verom die gereg te ontduik.”Die verslag beveel aan dat “borgtogaansoeke as 'n voorkomende maatreël geweier moet word wanneer daar 'n risiko is dat verdagtes gewoonteoortreders is en alle middele om die finalisering van die saak te bespoedig, aangewend moet word.”Dit beklemtoon verder residivisme – 'n kriminele term vir die neiging van 'n veroordeelde misdadiger om weer oortredings te pleeg – as 'n wêreldwye uitdaging in pogings om misdaad te bestry.“Residivisme is veral hoog onder Namibiese renostersindikate, maar kom ook algemeen voor in ander sektore soos vleisstropery,” lui die verslag.“Terwyl hofsake aan die gang is, word die verdagtes op borgtog vrygelaat en weer in hegtenis geneem en aangekla vir soortgelyke oortredings terwyl hulle op borgtog was.”NUWE STROPERSDie verslag waarsku ook dat nuwe individue steeds by renosterverwante misdade betrokke raak, met 61% van verdagtes wat in 2024 in hegtenis geneem is as eerste oortreders.“Dit is noodsaaklik om aan sulke eerste oortreders deur middel van vinnige vervolging en gepaste vonnisoplegging te wys dat wildmisdaad nie lonend is nie.”Volgens die verslag word die renosterstroperykrisis in Namibië vererger deur die werklikheid dat daar selde ernstige gevolge vir renostermisdade is.Potensiële onwettige winste uit renosterstropery en horingsmokkelary weeg dus swaarder as die potensiële gevolge, terwyl die verreikende impak van renosterstropery nie die nodige aandag kry nie.– republikein@republikein.com.na

Gewoontemisdadigers voed stroperykrisis

Kommentaar

Republikein 2025-11-03

Meld asseblief aan om kommentaar te lewer

Gewoontemisdadigers voed stroperykrisis

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.