Gesteel in Namibië, ‘gevind’ in Zimbabwe

’n Paartjie wat verlede jaar Namibië besoek het om saam met die Kankervereniging van Namibië (CAN) vrywilligerswerk te doen, se gesteelde toerusting is ná maande in Zimbabwe opgespoor.Toerusting ter waarde van N$45 000 is in Augustus verlede jaar van die paartjie op Walvisbaai gesteel, met bewysstukke wat aan plaaslike owerhede oorhandig is.Die gesteelde items het onder meer ’n duur aksiekamera, skootrekenaars en hardeskywe ingesluit.Maande later het die saak ’n onverwagse wending geneem toe een van die items, ’n aksiekamera, glo in ’n tweedehandse winkel in Kadoma, Zimbabwe, opgespoor is – steeds met oorspronklike beeldmateriaal op die kamera.Volgens die paartjie toon die beeldmateriaal onder meer die verdagtes én die gesteelde toerusting.Hulle sê hulle het die saak op 1 Augustus 2025 by die Walvisbaai-polisiestasie aangemeld en volledige besonderhede verskaf, insluitend kringtelevisie (CCTV)-beeldmateriaal, reeksnommers van die gesteelde items, asook beskrywings van die verdagtes en hul voertuig.Ten spyte hiervan beweer hulle daar is min vordering gemaak en dat die saak hoofsaaklik eers opgevolg is nadat hulle self navraag gedoen het.In Januarie 2026 is hulle deur ’n man in Zimbabwe gekontak wat die aksiekamera glo by ’n winkel in Kadoma gekoop het.Die paartjie het dié nuwe inligting, insluitend besonderhede van die winkel en kontakbesonderhede van die koper, aan die ondersoekbeampte deurgegee. Hulle beweer ook dat verdere bewyse op ’n moontlike oorgrens-diefstalnetwerk dui.Volgens hulle is daar aangedui dat die saak na Interpol verwys is, maar hulle sê geen verwysingsnommer of bevestiging van formele optrede is aan hulle verskaf nie. Kommunikasie het uiteindelik tot stilstand gekom, terwyl die man in Zimbabwe later nie meer bereik kon word nie.Die paartjie meen dat hul ervaring breër kwessies rakende toeriste se veiligheid en die hantering van oorgrens-misdaad beklemtoon. “Ons het vrede gemaak met die feit dat ons waarskynlik nie ons goed sal terugkry nie,” het hulle gesê, “maar die situasie laat ernstige vrae ontstaan oor die opvolg van sake en aanspreeklikheid.”Die Namibiese polisie is om kommentaar genader, maar het teen druktyd nog nie gereageer nie.– annemarie@nma.com.na

Gesteel in Namibië, ‘gevind’ in Zimbabwe

Kommentaar

Republikein 2026-07-31

Meld asseblief aan om kommentaar te lewer

Gesteel in Namibië, ‘gevind’ in Zimbabwe

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.