Chinese sakeman in Hochlandpark van N$3,3 miljoen beroof
’n Chinese sakeman in die konstruksiebedryf is Woensdagoggend deur ses rowers met ’n vuurwapen aangehou en by sy huis in Riethaanstraat in Hochlandpark van N$3,3 miljoen se kontant en goedere beroof. Dit sluit drie skootrekenaars, vier selfone en die CCTV-stelsel se geheueboks in.
Volgens komm. Ismael Basson, bevelvoerder van die polisie in die Khomasstreek, het die voorval omstreeks 10:00 plaasgevind.
Dit blyk hulle het die sekuriteitswag oorrompel en daarna die voordeur se klokkie gelui.
Hy sê die mans het geld geëis en aanvanklik is N$24 000 aan hulle oorhandig. Hulle het egter aangedring die kluis moet oopgesluit word, waarin daar glo N$1,1 miljoen en US$10 000 was.
Die mans het daarmee op die vlug geslaan. Niemand is nog in hegtenis geneem nie.
Volgens komm. Ismael Basson, bevelvoerder van die polisie in die Khomasstreek, het die voorval omstreeks 10:00 plaasgevind.
Dit blyk hulle het die sekuriteitswag oorrompel en daarna die voordeur se klokkie gelui.
Hy sê die mans het geld geëis en aanvanklik is N$24 000 aan hulle oorhandig. Hulle het egter aangedring die kluis moet oopgesluit word, waarin daar glo N$1,1 miljoen en US$10 000 was.
Die mans het daarmee op die vlug geslaan. Niemand is nog in hegtenis geneem nie.
Kommentaar
Republikein
Geen kommentaar is op hierdie artikel gelaat nie