Bank-hoës se eiendom kom onder die hamer

Drie Windhoekse spogeiendomme wat aan Zimbabwiese burgers behoort wat by die SME Bank-skandaal betrokke was, sal binnekort opgeveil word.Dit volg nadat vyf partye versuim het om N$140 miljoen te betaal as deel van ’n skikkingsooreenkoms wat in Januarie 2021 gesluit en ’n hofbevel gemaak is.Die veiling sal op Donderdag 17 Augustus plaasvind, volgens ’n ingeligte bron in die bedryf.Enock Kamushinda, die voormalige voorsitter van die SME Bank, en twee van sy maatskappye is drie van die partye wat nie aan die bepalings van die skikkingsooreenkoms voldoen het nie.Die ander partye is Tawanda Mumvuma, die voormalige uitvoerende hoof van die SME Bank, en Chiedza Goromonzi, ’n destydse assistent in die finansiële afdeling.Die likwidateurs, David Bruni en Ian McLaren, het gevolglik ’n lasbrief vir eksekusie gekry vir die beslaglegging op hul bates en om dit op te veil.Die eerste veiling sal omstreeks 10:00 by eenheid no. 32 in die Windhoek Golf Estate (erf 8268) begin.Die veiling van die eiendom by 27 Blinkpanstraat in Kleine Kuppe, wat vantevore as ’n gastehuis bedryf is, sal omstreeks 12:00 begin en die laaste eiendom by 14 Werthsingelstraat sal omstreeks 15:00 opgeveil word.BANKSKANDAALDie likwidateurs het in 2019 regstappe gedoen op grond van beweerde bedrieglike betalings uit dié bank se rekeninge aan verskeie ontvangers. Dié betalings vorm deel van die diefstal en geldwassery wat glo tot die bank se ondergang gelei het.Die likwidateurs het glo in hul ondersoeke na die SME Bank se bedrywighede ’n beweerde gemeenskaplike doel tussen die individue aan die lig gebring om van die bank te steel deur vals betalingsinstruksies en rekeninge te skep wat gebruik is vir kontantonttrekkings en vals krediete.’n Skikkingsooreenkoms is ook in Julie vanjaar gesluit tussen die likwidateurs en Joseph Banda, ’n Zimbabwiese burger wat destyds die finansiële bestuurder van die SME Bank was. Ingevolge dié ooreenkoms moet Banda N$3 miljoen betaal en sy eerste betaling moet teen Desember gemaak word.Die saak gaan steeds voort teen nog ’n Zimbabwiese burger, Lyndon Giadzanwa, op grond van die bewering dat hy sowat N$30 miljoen ontvang het van die fondse wat na bewering by die SME Bank gesteel is. – kristien@republikein.com.na

Bank-hoës se eiendom kom onder die hamer

Kommentaar

Republikein 2025-11-05

Meld asseblief aan om kommentaar te lewer

Bank-hoës se eiendom kom onder die hamer

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.