Wetsontwerp kan beleggers afskrik
Jemima Beukes - Die Ekonomiese Beleidsnavorsingsvereniging (EPRA) het ’n dringende beroep op die minister van nywerheidsontwikkeling en handel, Lucia Iipumbu, gedoen om nie met die wetsontwerp vir die bevordering en fasilitering van beleggings voort te gaan nie. In ’n brief wat Dinsdag aan die minister oorhandig is, het EPRA gewaarsku die wetsontwerp in sy huidige vorm gaan ’n verdoemende uitwerking op Namibië se beleggingsomgewing hê.
"Ons lê weer nederig voor dat daar is min tot niks in die wetsontwerp is wat beleggings meer aanloklik maak nie. In werklikheid hou die wetsontwerp eenvoudig ’n klomp bykomende struikelblokke vir beide plaaslike en buitelandse beleggers in. Wat die kommerwekkendste is, is dat die regering beoog om volle beheer oor plaaslike en buitelandse beleggings te neem, met die mag om te besluit wie mag belê, by wie mag belê word, in watter bedrywe mag belê word en skryf met onbeperkte omvang die vereistes voor waaraan beleggers moet voldoen. Geagte minister, ons twyfel dat regerings in selfs kommunistiese heerskappye uiterste beheer van dié aard oor beleggings in die private sektor uitoefen. Dit voorspel niks goeds vir beleggers nie en skep beslis nie ’n vriendelike beleggingsomgewing nie, ten spyte van die onbaatsugtige idee wat die regering mag hê. Beleggers sal bestemmings soek waar hulle nie voorgesê of belemmer word nie," lui die brief.
Die handelsministerie het onlangs vergaderings met rolspelers gehou, maar volgens EPRA is hulle grootliks in die duister gehou oor die besprekings. Volgens die vereniging het hulle eers op Vrydag 4 Augustus van enige openbare uitnodigings en beplande konsultasies via sosiale media bewus geword. Die sluitingsdatum vir insette was vier dae ná die konsultasies.
"Geagte minister, ons smeek u om nie met die wetsontwerp voort te gaan nie. Indien daar inderdaad ’n behoefte is vir beleggingswette – en let daarop dat baie hoogs suksesvolle lande nie toegewyde beleggingswetgewing het nie – stel ons ’n heel ander benadering voor. Ons bied ons hulp aan om die struikelblokke en risiko’s te identifiseer om die wetsontwerp werklik beleggersvriendelik te maak. Beleggingswetgewing moet belegging beloon, nie afskrik nie."
EPRA se voorstel is dat die regering ’n bemagtigende omgewing skep en dit nie beheer nie. Volgens die vereniging spruit volhoubare ekonomiese groei en werkskepping uit ’n oop vryemarkekonomie. Hy het gewaarsku ’n geslote ekonomie wat deur die regering beheer word, kan nie floreer nie - iets wat ekonomiese data vanaf 2016 baie duidelik toon.
"Uit die bogenoemde vergadering in Windhoek verlede week is dit duidelik dat daar geen voorneme is om beduidende veranderinge aan die weergawe van November 2021 te bring nie. Die 'konsultasie' was nie gerig op eerlike debat oor die beginsels van ’n optimale beleggingsomgewing vir Namibië nie. Die kommer wat deur EPRA sowel as ander kundiges sedert November 2021 geopper is, is nie aangeroer nie. Hieruit lei ons af dit bly die regering se voorneme om met ’n wetsontwerp voort te gaan wat afbreek aan Namibië se beleggingsomgewing kan maak."
Iipumbu het aangedui dat sy EPRA se brief ontvang het, maar het teen druktyd nog nie daarop gereageer nie. - [email protected]
"Ons lê weer nederig voor dat daar is min tot niks in die wetsontwerp is wat beleggings meer aanloklik maak nie. In werklikheid hou die wetsontwerp eenvoudig ’n klomp bykomende struikelblokke vir beide plaaslike en buitelandse beleggers in. Wat die kommerwekkendste is, is dat die regering beoog om volle beheer oor plaaslike en buitelandse beleggings te neem, met die mag om te besluit wie mag belê, by wie mag belê word, in watter bedrywe mag belê word en skryf met onbeperkte omvang die vereistes voor waaraan beleggers moet voldoen. Geagte minister, ons twyfel dat regerings in selfs kommunistiese heerskappye uiterste beheer van dié aard oor beleggings in die private sektor uitoefen. Dit voorspel niks goeds vir beleggers nie en skep beslis nie ’n vriendelike beleggingsomgewing nie, ten spyte van die onbaatsugtige idee wat die regering mag hê. Beleggers sal bestemmings soek waar hulle nie voorgesê of belemmer word nie," lui die brief.
Die handelsministerie het onlangs vergaderings met rolspelers gehou, maar volgens EPRA is hulle grootliks in die duister gehou oor die besprekings. Volgens die vereniging het hulle eers op Vrydag 4 Augustus van enige openbare uitnodigings en beplande konsultasies via sosiale media bewus geword. Die sluitingsdatum vir insette was vier dae ná die konsultasies.
"Geagte minister, ons smeek u om nie met die wetsontwerp voort te gaan nie. Indien daar inderdaad ’n behoefte is vir beleggingswette – en let daarop dat baie hoogs suksesvolle lande nie toegewyde beleggingswetgewing het nie – stel ons ’n heel ander benadering voor. Ons bied ons hulp aan om die struikelblokke en risiko’s te identifiseer om die wetsontwerp werklik beleggersvriendelik te maak. Beleggingswetgewing moet belegging beloon, nie afskrik nie."
EPRA se voorstel is dat die regering ’n bemagtigende omgewing skep en dit nie beheer nie. Volgens die vereniging spruit volhoubare ekonomiese groei en werkskepping uit ’n oop vryemarkekonomie. Hy het gewaarsku ’n geslote ekonomie wat deur die regering beheer word, kan nie floreer nie - iets wat ekonomiese data vanaf 2016 baie duidelik toon.
"Uit die bogenoemde vergadering in Windhoek verlede week is dit duidelik dat daar geen voorneme is om beduidende veranderinge aan die weergawe van November 2021 te bring nie. Die 'konsultasie' was nie gerig op eerlike debat oor die beginsels van ’n optimale beleggingsomgewing vir Namibië nie. Die kommer wat deur EPRA sowel as ander kundiges sedert November 2021 geopper is, is nie aangeroer nie. Hieruit lei ons af dit bly die regering se voorneme om met ’n wetsontwerp voort te gaan wat afbreek aan Namibië se beleggingsomgewing kan maak."
Iipumbu het aangedui dat sy EPRA se brief ontvang het, maar het teen druktyd nog nie daarop gereageer nie. - [email protected]
Kommentaar
Republikein
Geen kommentaar is op hierdie artikel gelaat nie