Voëltelers sukkel om permitte te kry
Kan nie verkoop of uitvoer nie
Sonder 'n wildhandelaarspermit kan 'n Windhoeker se besigheid reeds vir vyf jaar nie van die grond af kom nie.
’n Inwoner van Windhoek se volgehoue pogings om ’n wildhandelaarspermit van die ministerie van die omgewing, bosbou en toerisme te verkry, het vir die afgelope vyf jaar nog geen vrugte afgewerp nie.
Sonder dié permit mag sy nie voëls verkoop of uitvoer nie.
“Ek het in 2018 my eerste rooi eclectus-papegaaie gekry. Dit is waar wat hulle sê: ‘Een voël, twee voëls, 200 voëls’. Ek het vinnig op voëls verlief geraak. Ek het groot hokke in my erf opgerig en meer en meer gekry.”
Voëls, soos alle diere, teel aan en hoewel jy hulle mag aanhou, mag jy nie die kuikens sonder ’n permit verkoop nie.
Sy het in Mei 2019 die eerste keer N$100 betaal om vir die permit aansoek te doen. Beamptes van die ministerie moet dan besoek by die aansoeker aflê om seker te maak alles is in orde, volgens spesifikasies en die wet.
“’n Tydjie nadat ek die aansoek ingedien het, het ’n beampte my gekontak; hy wou die perseel kom inspekteer. Ek was in daardie stadium nie in die stad nie en het gevra of ons ’n afspraak kan maak vir wanneer ek weer terug is. Dit was die laaste keer wat ek van hulle gehoor het.”
In Mei 2020 het sy weer na die ministerie se kantoor gegaan en weer haar aansoekfooi betaal. Sy het die proses in 2022 herhaal, maar dié keer het sy op die aansoekvorm afgemerk dat dit ’n nuwe aansoek én die hernuwing van ’n aansoek is.
“Iemand het my weer gebel en gesê ek het die blokkie vir hernuwings afgemerk en daar is niks in my lêer nie. Ek het verduidelik dit is onmoontlik aangesien ek al voorheen aansoek gedoen het. Ek het gevra wat ons nou gaan doen.
“Die man sê toe die inspekteurs is op pad en ek moet net vir hulle wag. Hulle sal dan die inspeksie doen en ek kan al my dokumente vir hulle gee en hulle sal die permit by die kantoor uitreik.
“Dit was in Mei en ek wag nou nog. Ek het geen idee waarvandaan hulle moes ry dat hulle nou nog nie by my kon uitkom nie.”
Sy is ’n lid van die Avian Association of Namibia en volgens haar het die vereniging ongeveer 100 lede wat met voëls teel en verkoop.
“Alles is in plek; ek het die kontakte oorsee om die papegaaie te verkoop. Ook hier in Namibië wag mense, maar ek kan nie omdat ek nie die permit het nie; dan is dit onwettig. Ek wag al vyf jaar om met my besigheid te kan begin. Vir vyf jaar het ek geen inkomste nie omdat die ministerie nie ’n inspeksie kom doen nie en nie die permit uitreik nie.”
’n Werknemer van die ministerie het haar intussen gekontak en ’n inspeksie is by haar huis uitgevoer.
Sy het uiteindelik Maandag ’n permit ná vyf jaar se wag gekry. Die naam op die permit is egter verkeerd aangedui en is dus nie geldig nie.
KEETMANSHOOP
’n Voëlboer van Keetmanshoop doen al vanaf 2019 elke jaar vir die wildhandelaarspermit aansoek, sonder enige sukses.
“Die probleem lê nie hier in Keetmashoop nie. Die inspeksie is gedoen en alles is Windhoek toe gestuur. Dit is daar waar die probleem lê; hulle reik net nie die permit uit nie.
“Wanneer ek die man in Keetmanshoop bel, dan sê hy: ‘My hande is afgekap en ek wag op die permit van Windhoek.’ Ek weet van nog talle ander mense in dorpe wat met dieselfde probleem sit. Ek is beslis nie die uitsondering nie.”
Die woordvoerder van die ministerie, Romeo Muyunda, het herhaaldelik nie op navrae gereageer nie.
– [email protected]
Sonder dié permit mag sy nie voëls verkoop of uitvoer nie.
“Ek het in 2018 my eerste rooi eclectus-papegaaie gekry. Dit is waar wat hulle sê: ‘Een voël, twee voëls, 200 voëls’. Ek het vinnig op voëls verlief geraak. Ek het groot hokke in my erf opgerig en meer en meer gekry.”
Voëls, soos alle diere, teel aan en hoewel jy hulle mag aanhou, mag jy nie die kuikens sonder ’n permit verkoop nie.
Sy het in Mei 2019 die eerste keer N$100 betaal om vir die permit aansoek te doen. Beamptes van die ministerie moet dan besoek by die aansoeker aflê om seker te maak alles is in orde, volgens spesifikasies en die wet.
“’n Tydjie nadat ek die aansoek ingedien het, het ’n beampte my gekontak; hy wou die perseel kom inspekteer. Ek was in daardie stadium nie in die stad nie en het gevra of ons ’n afspraak kan maak vir wanneer ek weer terug is. Dit was die laaste keer wat ek van hulle gehoor het.”
In Mei 2020 het sy weer na die ministerie se kantoor gegaan en weer haar aansoekfooi betaal. Sy het die proses in 2022 herhaal, maar dié keer het sy op die aansoekvorm afgemerk dat dit ’n nuwe aansoek én die hernuwing van ’n aansoek is.
“Iemand het my weer gebel en gesê ek het die blokkie vir hernuwings afgemerk en daar is niks in my lêer nie. Ek het verduidelik dit is onmoontlik aangesien ek al voorheen aansoek gedoen het. Ek het gevra wat ons nou gaan doen.
“Die man sê toe die inspekteurs is op pad en ek moet net vir hulle wag. Hulle sal dan die inspeksie doen en ek kan al my dokumente vir hulle gee en hulle sal die permit by die kantoor uitreik.
“Dit was in Mei en ek wag nou nog. Ek het geen idee waarvandaan hulle moes ry dat hulle nou nog nie by my kon uitkom nie.”
Sy is ’n lid van die Avian Association of Namibia en volgens haar het die vereniging ongeveer 100 lede wat met voëls teel en verkoop.
“Alles is in plek; ek het die kontakte oorsee om die papegaaie te verkoop. Ook hier in Namibië wag mense, maar ek kan nie omdat ek nie die permit het nie; dan is dit onwettig. Ek wag al vyf jaar om met my besigheid te kan begin. Vir vyf jaar het ek geen inkomste nie omdat die ministerie nie ’n inspeksie kom doen nie en nie die permit uitreik nie.”
’n Werknemer van die ministerie het haar intussen gekontak en ’n inspeksie is by haar huis uitgevoer.
Sy het uiteindelik Maandag ’n permit ná vyf jaar se wag gekry. Die naam op die permit is egter verkeerd aangedui en is dus nie geldig nie.
KEETMANSHOOP
’n Voëlboer van Keetmanshoop doen al vanaf 2019 elke jaar vir die wildhandelaarspermit aansoek, sonder enige sukses.
“Die probleem lê nie hier in Keetmashoop nie. Die inspeksie is gedoen en alles is Windhoek toe gestuur. Dit is daar waar die probleem lê; hulle reik net nie die permit uit nie.
“Wanneer ek die man in Keetmanshoop bel, dan sê hy: ‘My hande is afgekap en ek wag op die permit van Windhoek.’ Ek weet van nog talle ander mense in dorpe wat met dieselfde probleem sit. Ek is beslis nie die uitsondering nie.”
Die woordvoerder van die ministerie, Romeo Muyunda, het herhaaldelik nie op navrae gereageer nie.
– [email protected]
Kommentaar
Republikein
Geen kommentaar is op hierdie artikel gelaat nie