Uutoni waarsku owerhede teen skuldinvorderaars

Die minister van stedelike en landelike ontwikkeling meen die betrokkenheid van ’n derde party om geld van kliënte te verhaal wat versuim om hul maandelikse munisipale rekeninge te betaal, beteken dat diegene wat in diens van die plaaslike owerheid is om dié funksie te verrig, bloot “salarisinvorderaars” word.Volgens hom behoort plaaslike owerhede nie skuldinvorderingsmaatskappy aan te stel nie.Hy moedig eerder plaaslike owerhede aan om hul gemeenskappe te betrek, uit te vind wat die redes vir wanbetaling is en ooreenkomste aan te gaan in plaas daarvan om ’n derde party te betrek om hul werk vir hulle te doen.“Ek doen &#039;n beroep op plaaslike owerheidsrade om nie hul nie inwoners aan derde partye oor te gee nie. Moenie dit doen nie. Jy kan nie jou pligte waarvoor jy in diens is, uitkontrakteer nie,” het Uutoni gister tydens die opening van die Ondangwa Handel- en Nywerheidsuitstalling (OTIE) gesê.“Jy gee jou gemeenskappe aan derde partye oor en dis hoekom hulle ongelukkig is. Ons moet seker maak dat ons van ons kredietbeheerstelsel en -beleid gebruik maak. Laat hulle werk. Mense moet nie net in hul kantore sit en aan die einde van die maand hul salarisse invorder nie.”Uutoni se uitlatings teen skuldinvorderaars kom nadat verskeie plaaslike owerhede ’n skuldinvorderaar gebruik om miljoene wat deur inwoners geskuld word, te verhaal.Die skuldinvorderaar, RedForce, se dienste word op verskeie dorpe oraloor die land gebruik, maar die maatskappy het die afgelope weke die nuus gehaal aangesien inwoners hul ontevredenheid met die maatskappy uitspreek het.Die Rundu-stadsraad is een van die dorpe wat hul kontrak met RedForce gekanselleer het, maar daarna met &#039;n siviele eis van N$9 miljoen getref is.Walvisbaai-munisipaliteit het ook probeer om sy kontrak met RedForce te beëindig, maar die maatskappy het dié besluit in die hof betwis en ’n tussentydse interdik is vandeesweek toegestaan wat beslis dat RedForce met sy bedrywighede op die dorp moet voortgaan.Wat die twee noordelike dorpe Oshakati en Ondangwa betref, het inwoners hul ontevredenheid uitgespreek, maar dit het nog nie die punt bereik waar die raad probeer het om die kontrak te beëindig nie.Kort ná die amptelike opening van die OTIE, is Uutoni gevra of plaaslike owerhede sy kantoor betrek voor ooreenkomste met maatskappye soos skuldinvorderaars aangegaan word, waarna Uutoni gesê het dat plaaslike owerhede deur die wet op plaaslike owerhede gemagtig is om openbare-private-vennootskappe (PPP’s) aan te gaan.Hy het plaaslike owerhede egter ontmoedig om die volle verantwoordelikheid aan ’n derde party te oorhandig. – republikein@republikein.com.na

Uutoni waarsku owerhede teen skuldinvorderaars

Kommentaar

Republikein 2025-11-04

Meld asseblief aan om kommentaar te lewer

Uutoni waarsku owerhede teen skuldinvorderaars

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.