Tronkgeriewe in Kunene ingewy

“Ek is ten volle bewus daarvan dat die Kunenestreek nie korrektiewe geriewe het nie. Gevangenes uit hierdie streek word na ander streke vervoer waar sulke geriewe bestaan. Só het die minister van binnelandse sake, immigrasie, veiligheid en sekuriteit, Albert Kawana, Donderdag tydens die amptelike inwyding van die projek vir die Kaoko-Otavi- korrektiewe geriewe in die Kunenestreek gesê.Volgens die minister vorm die tydelike geboue en die 384 hektaar grond waarop die strukture gebou is Kunene se heel eerste tronkgeriewe.“Dit maak dit baie moeilik om die gevangenes ten volle te rehabiliteer, want hulle bevind hulself ver van hul families,” het hy by die geleentheid gesê.Volgens die minister vind verskeie studies deurgaans dat gevangenes wat noue kontak het methul familielede terwyl hulle in die tronk is, beter vaar nadat hulle uit die tronk vrygelaat word en dat die syfer laer is vir die vrygelate gevangenes om die wet weer te oortree.“Studies het ook bevind dat die stand van oortreders se geestesgesondheid konsekwent is met die mate waarin hulle kontak met hul familielede behou,” sê hy.Die Otjongoha Tradisionele Owerheid, die Tradisionele Owerheid van die Otjondete-gebied en die Vita koninklike Tradisionele Owerheid het die grond reeds in 2022 geskenk.Die doel van die ontwikkeling is ook om ’n voedselproduksieplaas te vestig, aldus die minister. Kawana sê die tronk en plaas word in fases gebou, met die eerste werk wat reeds in Februarie vanjaar afgeskop het.’n Heining van 8,6 kilometer is opgerig en die bosse rondom die gebied is reeds verwyder. Verder is 30,5 hektaar ontbos om voor te berei vir die installering van besproeiing en gewasproduksie wat vir die 2025-’26-boekjaar beplan word, sê hy.’n Administratiewe gebou met vier kantore en ’n raadsaal is reeds gebou, asook ses geboue wat tot 44 wagte kan akkommodeer, en een slaapsaal vir tot 30 gevangenes.“Die konstruksie van hierdie geriewe is ’n voorbeeld van die regering se toewyding om korrektiewe geriewe in produktiewe sentrums te omskep wat ons nasionale voedselsekerheidsdoelwitte sal bevorder. Dit terwyl dit terselfdertyd broodnodige vaardighede aan gevangenes oordra vir hul rehabilitasie en herintegrasie in die samelewing,” sê die minister.Kawana was ook verheug dat 30 gemeenskapslede van die omliggende omgewing vanaf 1 Augustus tydelik help met die oprigting van die heining, en moontlik voltyds by die korrektiewe dienste aangestel kan word.Verder is die kliniek by die geriewe ook vir die publiek toeganklik gemaak, om gesondheidsdienste nader aan die plaaslike inwoners te bring, sê hy. Omliggende boere sal ook hulp vanaf die nuwe Kaoko-Otavi- korrektiewe fasiliteit ontvang, voeg Kawana by. – augetto@nmh-hub.com.na

Tronkgeriewe in Kunene ingewy

Kommentaar

Republikein 2025-11-03

Meld asseblief aan om kommentaar te lewer

Tronkgeriewe in Kunene ingewy

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.