Tekorte pootjie arbeidsministerie
Die ministerie van arbeid, nywerheidsbetrekkinge en werkskepping se uitdagings sluit in ’n tekort aan geld, wat beplande besoeke, inspeksies en ondersoeke belemmer.
’n Gebrek aan vervoer kniehalter die arbeidsinspektoraat om sy mandaat uit te voer, terwyl die kantoor van die arbeidskommissaris boonop tolke kort en worstel met ’n verouderde rekenaarstelsel wat die saakbestuurstelsel onbruikbaar maak. ’n Tekort aan werknemers in die afdeling vir arbeidsdienste is ook ’n struikelblok.
Dit luidens die arbeidsministerie se jongste verslag vir die tydperk vanaf 1 Oktober tot 31 Desember 2023.
Drie noodlottige ongelukke in die werkplek is in dié tydperk aangemeld, asook vier groot ongelukke en een kleiner een. Al die voorvallle word nog ondersoek.
In die derde kwartaal van die boekjaar 2023-’24 is kennis van 92 werkgewers ontvang wat beplan het om 1 064 werknemers af te dank.
Dit weens poste wat deur ekonomiese omstandighede oortollig gemaak is, vakbondregistrasie of lidmaatskap van ’n werkgewersorganisasie of ’n staking.
Net die Namibië Voedsel- en Verwante Werkersunie (Nafau) se staking op 14 November verlede jaar by Meatco se kantore in Windhoek, Okahandja en Katima Mulilo was wettig.
Gedurende die tydperk het die ministerie 1 634 arbeidsake behartig – 414 minder as in die vorige kwartaal.
Altesaam 818 van dié sake is afgehandel – 504 deur versoening en 314 deur arbitrasie.
Tans is 44 vakbonde in Namibië geregistreer asook 17 werkgewersorganisasies. Die land het ook drie vakbondfederasies.
Die arbeidsinspektoraat het oor die drie maande 547 inspeksies uitgevoer, waar 102 gevalle van nienakoming aangeteken is. Die afdeling vir beroepsgesondheid en -veiligheid kon ook 174 inspeksies voltooi – 120 by verskeie werkplekke en 54 op gevaarlike masjinerie.
Die geld vir daaglikse verblyftoelaes was in Oktober en November uitgeput en inspekteurs kon gevolglik nie versoekte of roetine-inspeksies uitvoer nie, en kon ook nie ongelukke, voorvalle en klagtes ondersoek nie, volgens die ministerie.
Geen mynmaatskappy is skuldig bevind aan die oortreding van die Wet op Arbeid no. 11 van 2007 nie, hoewel net 89% van brandstofmaatskappye, 80% van groothandel-ondernemings en net 67% van ondernemings in die visbedryf die inspeksies geslaag het.
Verder het die ministerie 1 185 klagtes ontvang en 1 035 afgehandel, met 53 sake wat hangend is, en 97 geskille is na die kantoor van die arbeidskommissaris verwys.
Altesaam N$547 407 is na die beslissings ingevorder en tussen Oktober en Desember aan werknemers gegee.
Die Namibië Geïntegreerde Indiensneminginligtingstelsel (NIEIS) is opgedateer met 2 603 nuwe aantekeninge vir Namibiërs wat werk soek – 1 221 mans en 1 501 vroue – alhoewel net 22 van die werksoekers met gestremdhede saamleef.
Die meerderheid (2 561) is werkloos terwyl net 161 van die nuwe name op die stelsel mense lys wat op soek is na beter werksgeleenthede.
NIEIS word bedreig deur tegniese uitdagings soos geen toegang tot die tweede weergawe van die stelsel, die onbeskikbaarheid van die bronkode en skakel na die nuwe weergawe en die tyd wat die stelsel af is weens stoorspasie.
– [email protected]
’n Gebrek aan vervoer kniehalter die arbeidsinspektoraat om sy mandaat uit te voer, terwyl die kantoor van die arbeidskommissaris boonop tolke kort en worstel met ’n verouderde rekenaarstelsel wat die saakbestuurstelsel onbruikbaar maak. ’n Tekort aan werknemers in die afdeling vir arbeidsdienste is ook ’n struikelblok.
Dit luidens die arbeidsministerie se jongste verslag vir die tydperk vanaf 1 Oktober tot 31 Desember 2023.
Drie noodlottige ongelukke in die werkplek is in dié tydperk aangemeld, asook vier groot ongelukke en een kleiner een. Al die voorvallle word nog ondersoek.
In die derde kwartaal van die boekjaar 2023-’24 is kennis van 92 werkgewers ontvang wat beplan het om 1 064 werknemers af te dank.
Dit weens poste wat deur ekonomiese omstandighede oortollig gemaak is, vakbondregistrasie of lidmaatskap van ’n werkgewersorganisasie of ’n staking.
Net die Namibië Voedsel- en Verwante Werkersunie (Nafau) se staking op 14 November verlede jaar by Meatco se kantore in Windhoek, Okahandja en Katima Mulilo was wettig.
Gedurende die tydperk het die ministerie 1 634 arbeidsake behartig – 414 minder as in die vorige kwartaal.
Altesaam 818 van dié sake is afgehandel – 504 deur versoening en 314 deur arbitrasie.
Tans is 44 vakbonde in Namibië geregistreer asook 17 werkgewersorganisasies. Die land het ook drie vakbondfederasies.
Die arbeidsinspektoraat het oor die drie maande 547 inspeksies uitgevoer, waar 102 gevalle van nienakoming aangeteken is. Die afdeling vir beroepsgesondheid en -veiligheid kon ook 174 inspeksies voltooi – 120 by verskeie werkplekke en 54 op gevaarlike masjinerie.
Die geld vir daaglikse verblyftoelaes was in Oktober en November uitgeput en inspekteurs kon gevolglik nie versoekte of roetine-inspeksies uitvoer nie, en kon ook nie ongelukke, voorvalle en klagtes ondersoek nie, volgens die ministerie.
Geen mynmaatskappy is skuldig bevind aan die oortreding van die Wet op Arbeid no. 11 van 2007 nie, hoewel net 89% van brandstofmaatskappye, 80% van groothandel-ondernemings en net 67% van ondernemings in die visbedryf die inspeksies geslaag het.
Verder het die ministerie 1 185 klagtes ontvang en 1 035 afgehandel, met 53 sake wat hangend is, en 97 geskille is na die kantoor van die arbeidskommissaris verwys.
Altesaam N$547 407 is na die beslissings ingevorder en tussen Oktober en Desember aan werknemers gegee.
Die Namibië Geïntegreerde Indiensneminginligtingstelsel (NIEIS) is opgedateer met 2 603 nuwe aantekeninge vir Namibiërs wat werk soek – 1 221 mans en 1 501 vroue – alhoewel net 22 van die werksoekers met gestremdhede saamleef.
Die meerderheid (2 561) is werkloos terwyl net 161 van die nuwe name op die stelsel mense lys wat op soek is na beter werksgeleenthede.
NIEIS word bedreig deur tegniese uitdagings soos geen toegang tot die tweede weergawe van die stelsel, die onbeskikbaarheid van die bronkode en skakel na die nuwe weergawe en die tyd wat die stelsel af is weens stoorspasie.
– [email protected]
Kommentaar
Republikein
Geen kommentaar is op hierdie artikel gelaat nie