Regeringstore kry elektroniese stelsel
Doeltreffendheid, beter bestuur beloof
Die minister van werke en vervoer sê regeringsverkryging moet plaaslike vervaardiging aanspoor.
Die ministerie van werke en vervoer moet voor 15 Desember 'n advertensie plaas waarin Namibiërs uitgenooi word om goedere plaaslik te vervaardig en dit aan regeringstore te verskaf.
Die minister van werke en vervoer, Veikko Nekundi, het onlangs amptelik die nuwe elektroniese beheerstelsel vir die regering se store in Windhoek bekend gestel. By dieselfde geleentheid het hy die opdrag gegee dat alle verskaffers tot die regering se store hersien moet word en dat die geleentheid om plaaslik vervaardigde goedere te voorsien aan meer Namibiese besighede en entrepreneurs uitgereik moet word.
Nekundi dring daarop aan dat voorrade aan regeringstore gebruik word om plaaslike verkryging te bevorder.
By ‘n onlangse verrassingsbesoek aan die regeringstore op Rundu was hy veheug om te sien dat die store netjies en goed georganiseerd is, maar hy was nie gelukkig dat groot getalle skoolboeke en toiletpapier wat ingevoer is, daar gestoor word nie.
Die minister sê dat grootmaat-invoere broodnodige geld uit die land uit jaag. “Ek doen 'n beroep op geïnteresseerde vervaardigers om die goedere te vervaardig wat die regering aankoop. Dié met voorsieningskontrakte met die regering moet voorraad by plaaslike vervaardigers koop,” benadruk hy.
Volgens Nekundi bied die nuwe stelsel nou alle regeringskantore, ministeries en agentskappe 'n beter geleentheid om standaardvoorraad vanaf die regeringstore te bekom. Danksy die afdeling vir gesentraliseerde dienste en die regering se rekenaardienstebeamptes is die gevorderde digitale verkrygingstelsel ontwikkel en word dit nou ontplooi.
Die nuwe stelsel sluit 'n module in vir die beheer van verkryging vanaf die sentrale store vir kantore en instellings, 'n module vir verkryging vanaf verskaffers en om die hele verkrygingsiklus te monitor, asook 'n finansiële bestuursmodule. Verder is 'n pakhuisbestuursmodule ingesluit om voorraad beter te bestuur, volgens die minister.
“Met die nuwe stelsel sal geen skoolkoshuis weens papierwerk sonder matrasse wees nie, skole sal ook nie sonder kryt, tafels of stoele moet klaarkom nie. Dit sal dienslewering verbeter,” benadruk hy.
DIEFSTAL VAN TOILETPAPIER
Volgens die minister is die nuwe stelsel ‘n belangrikke platform vir die implementering van geïntegreerde regeringsaankope en as ‘n verbeterde aankoopstelsel. Daarmee kan voorraad gemonitor word om voorvalle waar voorraad vertraag of uitverkoop is te vermy. Diefstal kan ook deur die stelsel bekamp word, veral in die geval van toiletpapier, wat glo baie uit die regeringstore gesteel word, sê hy.
Die stelsel sal ook toelaat dat ondernemings op die lys van voorsieners gemonitor word om te verseker dat daar van hulle gebruik gemaak word. “Dit is iets anders om werk by die regering te kry, as om op die lys te wees,” sê Nekundi.
Die nuwe stelsel kan ook makliker geoudit word, voeg hy by.
Nekundi het ook by die geleentheid uitgelig dat die regeringstore net 5% by die aankoopkoste byvoeg wanneer goedere aan verskeie regeringsinstansies verkoop word.
– [email protected]
Die minister van werke en vervoer, Veikko Nekundi, het onlangs amptelik die nuwe elektroniese beheerstelsel vir die regering se store in Windhoek bekend gestel. By dieselfde geleentheid het hy die opdrag gegee dat alle verskaffers tot die regering se store hersien moet word en dat die geleentheid om plaaslik vervaardigde goedere te voorsien aan meer Namibiese besighede en entrepreneurs uitgereik moet word.
Nekundi dring daarop aan dat voorrade aan regeringstore gebruik word om plaaslike verkryging te bevorder.
By ‘n onlangse verrassingsbesoek aan die regeringstore op Rundu was hy veheug om te sien dat die store netjies en goed georganiseerd is, maar hy was nie gelukkig dat groot getalle skoolboeke en toiletpapier wat ingevoer is, daar gestoor word nie.
Die minister sê dat grootmaat-invoere broodnodige geld uit die land uit jaag. “Ek doen 'n beroep op geïnteresseerde vervaardigers om die goedere te vervaardig wat die regering aankoop. Dié met voorsieningskontrakte met die regering moet voorraad by plaaslike vervaardigers koop,” benadruk hy.
Volgens Nekundi bied die nuwe stelsel nou alle regeringskantore, ministeries en agentskappe 'n beter geleentheid om standaardvoorraad vanaf die regeringstore te bekom. Danksy die afdeling vir gesentraliseerde dienste en die regering se rekenaardienstebeamptes is die gevorderde digitale verkrygingstelsel ontwikkel en word dit nou ontplooi.
Die nuwe stelsel sluit 'n module in vir die beheer van verkryging vanaf die sentrale store vir kantore en instellings, 'n module vir verkryging vanaf verskaffers en om die hele verkrygingsiklus te monitor, asook 'n finansiële bestuursmodule. Verder is 'n pakhuisbestuursmodule ingesluit om voorraad beter te bestuur, volgens die minister.
“Met die nuwe stelsel sal geen skoolkoshuis weens papierwerk sonder matrasse wees nie, skole sal ook nie sonder kryt, tafels of stoele moet klaarkom nie. Dit sal dienslewering verbeter,” benadruk hy.
DIEFSTAL VAN TOILETPAPIER
Volgens die minister is die nuwe stelsel ‘n belangrikke platform vir die implementering van geïntegreerde regeringsaankope en as ‘n verbeterde aankoopstelsel. Daarmee kan voorraad gemonitor word om voorvalle waar voorraad vertraag of uitverkoop is te vermy. Diefstal kan ook deur die stelsel bekamp word, veral in die geval van toiletpapier, wat glo baie uit die regeringstore gesteel word, sê hy.
Die stelsel sal ook toelaat dat ondernemings op die lys van voorsieners gemonitor word om te verseker dat daar van hulle gebruik gemaak word. “Dit is iets anders om werk by die regering te kry, as om op die lys te wees,” sê Nekundi.
Die nuwe stelsel kan ook makliker geoudit word, voeg hy by.
Nekundi het ook by die geleentheid uitgelig dat die regeringstore net 5% by die aankoopkoste byvoeg wanneer goedere aan verskeie regeringsinstansies verkoop word.
– [email protected]
Kommentaar
Republikein
Geen kommentaar is op hierdie artikel gelaat nie