#PAS IN: Meatco skors Liebenberg

Die Meatco-raad van direkteure het die waarnemende uitvoerende hoof en uitvoerende beampte vir vee-aankope en -produksie, Patrick Liebenberg hangende 'n interne ondersoek geskors. Die skorsing het Maandag in werking getree. Intussen is Kingsley Kwenani as waarnemende uitvoerende hoof aangestel tot 31 Augustus 2025, of totdat 'n eksterne sekondering deur die ministerie van finansies gefinaliseer is. Die raad het die behoefte aan 'n onafhanklike ondersoek beklemtoon terwyl sakekontinuïteit verseker word.