N$892,4 miljoen vir droogtehulp bewillig
Staatsprogram tree op 1 Oktober in werking
Na raming sou ongeveer 579 000 mense in Namibië tussen Julie en September vanjaar hoë vlakke van akute voedselonsekerheid in die gesig staar.
Elizabeth //Kheibes - Die kantoor van die eerste minister het tydens die aankondiging van die kwesbaarheidsbeoordeling (VAA) onthul dat die regering N$892,4 miljoen deur dié kantoor beskikbaar sal stel vir ’n droogtehulpprogram.
Dié program het ten doel om voedselbystand aan droogtegeteisterde bestaansboere in landelike gebiede van al 14 streke te bied en sal vanaf 1 Oktober vanjaar tot Junie 2024 duur.
Boonop sal ’n vee-ondersteuningsprogram vanaf begin Oktober tot 31 Maart 2024 geïmplementeer word.
Die uitvoerende direkteur van die eerste minister se kantoor, I-Ben Nashandi, het gesê die mate van ondersteuning aan geaffekteerde huishoudings sal afhang van die grootte van die huishouding. Hulle sal mieliemeel, kookolie en enige beskikbare proteïene soos vleis of vis ontvang, maar geen toiletware of ander basiese behoeftes sal ingesluit word nie.
Nashandi het uitgelig ongeveer 579 000 mense in Namibië sou tussen Julie en September vanjaar hoë vlakke van akute voedselonsekerheid in die gesig staar – fase 3 of hoër van die Integrated Food Security Phase Classification (IPC)-stelsel – en benodig dus dringende humanitêre hulp.
“Gedurende die huidige tydperk het die meeste huishoudings geen voedselvoorraad nie, die meeste het aangedui dat voorraad minder as een maand duur en diegene wat voorraad gehad het van tussen een tot drie maande het reeds hul voedselvoorraad uitgeput.
Gevolglik het huishoudings reeds probleme ondervind met die aankoop van voedsel weens ’n gebrek aan inkomste en hoë werkloosheidsyfers.”
Daar word geprojekteer dat die aantal mense wat na verwagting voedselonsekerheid sal ervaar gedurende die tydperk Oktober 2023 tot Maart 2024 verder sal styg tot 695 000 mense (26% van die bevolking), het Nashandi in ’n verklaring gesê.
Die 2023-’24-VAA is tussen Mei en Julie vanjaar uitgevoer en het beide stedelike en landelike gebiede in al 14 streke gedek.
Volgens Nashandi sal die program bestaan uit voedselhulp, watervoorsiening en vee-ondersteuning soos “bemarkingsaansporings, subsidies op die huur van weiding en vervoer na weidingsgebiede en subsidies op voer wat aangekoop word”.
“Volgens die gewone prosedure sal streekrade toesig hou oor die proses en die identifisering en registrasie van begunstigdes op dorpsvlak fasiliteer. Dit moet deur deursigtige platforms gedoen word – verkieslik vergaderings wat deur gemeenskapsleiers gekoördineer word om huishoudings te identifiseer en te registreer wat hierdie hulp dringend nodig het.”
Die kantoor van die eerste minister sal al die administratiewe prosedures kommunikeer wat streke moet volg tydens die uitrol van die droogtehulpprogram se voedselverspreidingsproses.
ANDER PROGRAMME
In April het die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn in die tertafellegging van sy begroting opgemerk dat sy Voedselbankprogram in ’n voorwaardelike basiese inkomstetoelaag (CBIG)-program oorgeskakel sal word. Onder dié program sal begunstigdes van die gewese voedselbank-inisiatief ’n maandelikse toelaag van N$600 ontvang.
Vir die 2022-’23-boekjaar het sowat 8 047 huishoudings (37 053 individue) oor al 14 streke volgens die ministerie die toelae ontvang as deel van die eerste fase van die implementeringsproses.
Die ministerie het net meer as N$6 miljard tydens die begrotingstoewysings in April ontvang.
Die woordvoerder van die ministerie, Lukas Haufiku, het destyds gesê die oorgang sal dit makliker maak vir begunstigdes om die toelae vir enigiets te gebruik, soos vervoerkostes en toiletware.
“Die ministerie is tans besig om die kriteria vir begunstigdes te ontleed en sal die uitkomste bekend maak sodra die ontwikkelingsfase afgehandel is,” het hy gesê.
PRIORITEITE
Nashandi het benadruk dat slegs huishoudings wat geen inkomstestroom het nie by hierdie program baat sal vind en het die werkersklas met ’n maandelikse inkomste van N$2 600 of meer aangemoedig om ruimte te laat dat ander geprioritiseer word. – [email protected]
Dié program het ten doel om voedselbystand aan droogtegeteisterde bestaansboere in landelike gebiede van al 14 streke te bied en sal vanaf 1 Oktober vanjaar tot Junie 2024 duur.
Boonop sal ’n vee-ondersteuningsprogram vanaf begin Oktober tot 31 Maart 2024 geïmplementeer word.
Die uitvoerende direkteur van die eerste minister se kantoor, I-Ben Nashandi, het gesê die mate van ondersteuning aan geaffekteerde huishoudings sal afhang van die grootte van die huishouding. Hulle sal mieliemeel, kookolie en enige beskikbare proteïene soos vleis of vis ontvang, maar geen toiletware of ander basiese behoeftes sal ingesluit word nie.
Nashandi het uitgelig ongeveer 579 000 mense in Namibië sou tussen Julie en September vanjaar hoë vlakke van akute voedselonsekerheid in die gesig staar – fase 3 of hoër van die Integrated Food Security Phase Classification (IPC)-stelsel – en benodig dus dringende humanitêre hulp.
“Gedurende die huidige tydperk het die meeste huishoudings geen voedselvoorraad nie, die meeste het aangedui dat voorraad minder as een maand duur en diegene wat voorraad gehad het van tussen een tot drie maande het reeds hul voedselvoorraad uitgeput.
Gevolglik het huishoudings reeds probleme ondervind met die aankoop van voedsel weens ’n gebrek aan inkomste en hoë werkloosheidsyfers.”
Daar word geprojekteer dat die aantal mense wat na verwagting voedselonsekerheid sal ervaar gedurende die tydperk Oktober 2023 tot Maart 2024 verder sal styg tot 695 000 mense (26% van die bevolking), het Nashandi in ’n verklaring gesê.
Die 2023-’24-VAA is tussen Mei en Julie vanjaar uitgevoer en het beide stedelike en landelike gebiede in al 14 streke gedek.
Volgens Nashandi sal die program bestaan uit voedselhulp, watervoorsiening en vee-ondersteuning soos “bemarkingsaansporings, subsidies op die huur van weiding en vervoer na weidingsgebiede en subsidies op voer wat aangekoop word”.
“Volgens die gewone prosedure sal streekrade toesig hou oor die proses en die identifisering en registrasie van begunstigdes op dorpsvlak fasiliteer. Dit moet deur deursigtige platforms gedoen word – verkieslik vergaderings wat deur gemeenskapsleiers gekoördineer word om huishoudings te identifiseer en te registreer wat hierdie hulp dringend nodig het.”
Die kantoor van die eerste minister sal al die administratiewe prosedures kommunikeer wat streke moet volg tydens die uitrol van die droogtehulpprogram se voedselverspreidingsproses.
ANDER PROGRAMME
In April het die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn in die tertafellegging van sy begroting opgemerk dat sy Voedselbankprogram in ’n voorwaardelike basiese inkomstetoelaag (CBIG)-program oorgeskakel sal word. Onder dié program sal begunstigdes van die gewese voedselbank-inisiatief ’n maandelikse toelaag van N$600 ontvang.
Vir die 2022-’23-boekjaar het sowat 8 047 huishoudings (37 053 individue) oor al 14 streke volgens die ministerie die toelae ontvang as deel van die eerste fase van die implementeringsproses.
Die ministerie het net meer as N$6 miljard tydens die begrotingstoewysings in April ontvang.
Die woordvoerder van die ministerie, Lukas Haufiku, het destyds gesê die oorgang sal dit makliker maak vir begunstigdes om die toelae vir enigiets te gebruik, soos vervoerkostes en toiletware.
“Die ministerie is tans besig om die kriteria vir begunstigdes te ontleed en sal die uitkomste bekend maak sodra die ontwikkelingsfase afgehandel is,” het hy gesê.
PRIORITEITE
Nashandi het benadruk dat slegs huishoudings wat geen inkomstestroom het nie by hierdie program baat sal vind en het die werkersklas met ’n maandelikse inkomste van N$2 600 of meer aangemoedig om ruimte te laat dat ander geprioritiseer word. – [email protected]
Kommentaar
Republikein
Geen kommentaar is op hierdie artikel gelaat nie