N$2,5 miljoen nog aan August 26 verskuldig

Ogone Tlhage - 26 Augustus Logistics sê ’n private firma wat handel dryf in militêre toerusting het nog nie ’n lening van N$2,5 miljoen terugbetaal nie.Op 24 Mei het Penda Trading Enterprises die direksievoorsitter van die weermag se logistieke firma, genl. maj. Petrus Nathinge, genader om ’n lening aan te vra. Die maatskappy het ’n kontrak gekry om vertroulike opdragte uit te voer, maar sou glo N$2,5 miljoen nodig hê om die projek aan die gang te sit.Nathinge het die versoek ’n dag later goedgekeur en ’n boodskap aan Salatiel Ntinda, die besturende direkteur van 26 Augustus Logistics, gestuur om die aangevraagde fondse oor te betaal.Volgens Nathinge se instruksies sou die fondse teen 31 Julie terugbetaal wees, maar dit het nie gebeur nie.Kelvin Thembikozi, woordvoerder van die direksie, het Woensdag bevestig die maatskappy kon nie die fondse terugkry nie.“Die geld is nog nie teruggegee nie; die proses is nog aan die gang. Ons het prokureurs by die saak betrek. Tot dusver is niks teruggegee nie.”MINISTERIE SIT HANDE GEVOU Die miljoendollar-transaksie het daartoe gelei dat Nathinge uit die direksie geskors word.Die ministerie van verdediging en veterane sake – waar hy as adjunkdirekteur werk – het oënskynlik gekies om geen stappe teen Nathinge te doen nie en hy gaan voort om sy daaglikse werksverpligtinge by sy voltydse werkgewer na te kom.Twee August 26-werknemers – Ntinda en die finansiële hoof, Kallie Nel – is ook geskors totdat ondersoeke afgehandel is.REGTE STAPPE Brigadier Fillemon Shafashike, direksievoorsitter van August 26, het die besluit verdedig om Nathinge uit die direksie te skors, hangende die afhandeling van ondersoeke.“Die saak word hanteer. August 26 moet gevrywaar word en die maatskappy [moet] nie geld verloor nie. Van ons kant af volg ons die behoorlike proses.“Ons het opgetree volgens wat ons dink reg is,” het hy gesê.Die uitkomste van ondersoeke sal bepaal of geld wel verlore gegaan het, het hy bygevoeg.“’n Ondersoek is nog aan die gang; ons sal eers ná die ondersoek kan sê of geld verdwyn het,” het Shafashike gesê.SKOON OUDIT Nathinge het enige oortreding in die saak ontken en volgehou dat geen geld verdwyn het nie.“Ek is nie verantwoordelik vir die verdwyning van enige geld by August 26 Logistics nie. Geen geld het verdwyn nie. Daar is ’n skoon ouditverslag vir die afgelope 10 jaar; ons het die afgelope nege jaar dividende aan die aandeelhouer verklaar.“Wie ook al bewyse van die verdwyning van geld het, moet na vore kom. Daar is nie so iets nie,” het hy Woensdag gesê.Toe die aangeleentheid in Junie in die openbare domein beland het, het die Affirmative Repositioning (AR)-aktivis Job Amupanda beweer dat “’n baie senior militêre man, ’n tweester-generaal, die verdwyning van openbare verdedigingsgeld veroorsaak het - byna N$3 miljoen wat na die bankrekening van ’n gewone man – wat nou in Katutura dans – oorgeplaas is.”republikein@republikein.com.na

N$2,5 miljoen nog aan August 26 verskuldig

Kommentaar

Republikein 2026-09-18

Meld asseblief aan om kommentaar te lewer

N$2,5 miljoen nog aan August 26 verskuldig

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.