Minister van internasionale betrekkinge besoek Beijing
Namibië se minister van internasionale betrekkinge en handel, Selma Ashipala-Musavyi, het Sondag in Beijing in China geland waar sy sedert gister aan die Forum vir China-Afrika-samewerking (Focac) en die China-Afrika Ekonomiese Handel Ekspo (CAETE) sal deelneem.
Beide geleenthede vind gelyktydig plaas en eindig op Saterdag 15 Junie.
Sy is amptelik met haar aankoms by die Beijing Internasionale Lughawe deur Namibië se ambassadeur, Elia George Kaiyamo, ontvang.
“Tydens haar amptelike besoek sal die minister aan hoëvlak- bilaterale en multilaterale vergaderings deelneem om diplomatieke en ekonomiese betrekkinge tussen Namibië en China te versterk,” het die ministerie aangekondig.
Sedert einde Maart is Namibië se ministerie van internasionale betrekkinge ook verantwoordelik vir internasionale handel.
Die fokus van die deelname aan die ministeriële vergadering van Afrikalande in China is op die versterking van samewerking in prioriteitsektore soos handel, die ontwikkeling van infrastruktuur, landbou en digitale tegnologie, wat op die Focac-beraad vir staatshoofde van September 2024 gebaseer is.
Namibië beoog om sy rol as ’n strategiese vennoot in die betrekkinge tussen Afrika en China te versterk en volhoubare ekonomiese groei te bevorder, volgens die ministerie.
China is gereed om samewerking met Afrika uit te brei op gebiede soos nywerheid, landbou, infrastruktuur, handel en belegging. Dit ondersteun ook doeltreffende, hoëgehalte-samewerkingsprojekte binne die raamwerk van die Belt and Road-inisiatief en ontwikkel gesamentlik ’n model vir die implementering van die globale ontwikkelingsinisiatief.
Tydens die 2024-beraad het China ongeveer US$50 miljard in lenings, beleggings en ander bystand oor die volgende drie jaar aangekondig.
Beijing verskaf ’n bykomende US$10 miljard vir Chinese belegging in Afrika. Verskeie sektore wat uiters belangrik is vir Afrika is uitgelig, insluitend farmaseutiese produkte, landbou, vervaardiging en mineraalverwerking.
– [email protected]
Beide geleenthede vind gelyktydig plaas en eindig op Saterdag 15 Junie.
Sy is amptelik met haar aankoms by die Beijing Internasionale Lughawe deur Namibië se ambassadeur, Elia George Kaiyamo, ontvang.
“Tydens haar amptelike besoek sal die minister aan hoëvlak- bilaterale en multilaterale vergaderings deelneem om diplomatieke en ekonomiese betrekkinge tussen Namibië en China te versterk,” het die ministerie aangekondig.
Sedert einde Maart is Namibië se ministerie van internasionale betrekkinge ook verantwoordelik vir internasionale handel.
Die fokus van die deelname aan die ministeriële vergadering van Afrikalande in China is op die versterking van samewerking in prioriteitsektore soos handel, die ontwikkeling van infrastruktuur, landbou en digitale tegnologie, wat op die Focac-beraad vir staatshoofde van September 2024 gebaseer is.
Namibië beoog om sy rol as ’n strategiese vennoot in die betrekkinge tussen Afrika en China te versterk en volhoubare ekonomiese groei te bevorder, volgens die ministerie.
China is gereed om samewerking met Afrika uit te brei op gebiede soos nywerheid, landbou, infrastruktuur, handel en belegging. Dit ondersteun ook doeltreffende, hoëgehalte-samewerkingsprojekte binne die raamwerk van die Belt and Road-inisiatief en ontwikkel gesamentlik ’n model vir die implementering van die globale ontwikkelingsinisiatief.
Tydens die 2024-beraad het China ongeveer US$50 miljard in lenings, beleggings en ander bystand oor die volgende drie jaar aangekondig.
Beijing verskaf ’n bykomende US$10 miljard vir Chinese belegging in Afrika. Verskeie sektore wat uiters belangrik is vir Afrika is uitgelig, insluitend farmaseutiese produkte, landbou, vervaardiging en mineraalverwerking.
– [email protected]
Kommentaar
Republikein
Geen kommentaar is op hierdie artikel gelaat nie