Militêre basisse ‘val uitmekaar’

Die infrastruktuur by talle militêre basisse in die land is in ŉ swak toestand. Dit volgens die Nasionale Raad se staande komitee oor binnelandse sake, sekuriteit, grondwetlike en wetlike sake wat verlede week ŉ verslag voorgelê het oor sy besoeke aan militêre basisse in die Khomas-, ||Kharas-, Omaheke-, Erongo-, Otjozondjupa-, Kavango-Oos-, Zambezi- en Kunenestreek.Die komitee het bestaan uit parlementslede, insluitend mnre. John Likando (voorsitter), Andreas Uutoni, Elkan Hainghumbi, Daniel Kuuoko, Philemon Ndjambulo en Nkore Mavara. Besoek is tussen 27 September en 13 Oktober vanjaar by Luiperdvallei en ander militêre basisse op Keetmanshoop, Karasburg, Gobabis, Walvisbaai, Rooikop, Karibib, Otjiwarongo, Rundu, Mpacha, Okanguati en die Namibiese weermag (NDF) se hoofkantoor in Suiderhof in die hoofstad afgelê. Bouwerk by dié hoofkantoor – wat reeds in 2014 deur ’n Noord-Koreaanse maatskappy begin is – is steeds nie voltooi nie.In 2018 het internasionale sanksies tot die kansellasie van dié boukontrak gelei, en sedertdien moes van die vorige lae gehalte werk gesloop en ’n nuwe bouplan moes opgetrek word.Sedert die aanvanklike begroting van N$602 miljoen het die koste tot N$1,04 miljard gestyg, met 75% van die werk wat volgens die komitee tans voltooi is.Die grootste kwessies wat met die projek ondervind word, is ’n gebrek aan finansiering, ’n gebrek aan grond vir die bou van toegangspaaie, en ’n tekort aan boumateriaal wat uit die buiteland ingevoer word.Die ander basisse wat aandag benodig, is die Karibib-lugmagbasis waar die beheertoring buite werking is weens ’n gebrek aan toerusting, terwyl die huidige aanloopbaan van 3 kilometer na 3,5 kilometer verleng en herstel moet word, insluitend die verwydering van klippe op die oppervlak.’n Tekort aan loodse vir die vliegtuie, te min brandweerwaens, gebrek aan akkommodasie en stukkende omheining word ook ondervind. Verder betree omliggende gemeenskappe die buffersone om die basis. Probleme met ’n gebrek aan akkommodasie en stukkende omheining is algemeen aan die Kaptein Hendrik Witbooi-barakke op Keetmanshoop, die Okanguati-basis in die verre noordweste, Greenwell Matongo-barakke naby Katima Mulilo en op Gobabis waar ’n spoorlyn deur die Chief Munyuku Nguvauva II-barakke loop en onbeperkte toegang aan enigiemand bied. Karasburg se Jacob Morenga-barakke het stoorkamers vir ammunisie nodig wat tans aan die natuur se lot oorgelaat word, terwyl die Rooikop-basis buite Walvisbaai soortgelyke probleme ervaar.Stoorgeriewe vir militêre toerusting op Rooikop is ook vervalle. Verder is die store vir parkering by Rooikop verroes, saam met die werkswinkels, wat bydra tot ’n gebrek aan vervoer. ’n Gebrek aan vervoer is ook algemeen by die oorgrote meerderheid van die militêre basisse. Die lugmagbasis op Grootfontein se kombuis het in 2017 afgebrand en is nooit herbou nie, terwyl die basis op Rundu se kombuis opgeknap is maar nie in ’n werkende toestand is nie weens ’n tekort aan toerusting insluitend potte. ’n Tweede kombuis – wat slegs 48% voltooi is – is volgens die komitee in aanbou. Die Grootfontein- en Rundu-basis ervaar albei water-, riool- en elektrisiteitsprobleme weens verouderde infrastruktuur, wat by die meerderheid basisse ’n probleem is.Dit terwyl die NDF al jare een van die grootste begunstigdes van die jaarlikse nasionale begroting is. – augetto@republikein.com.na

Militêre basisse ‘val uitmekaar’

Kommentaar

Republikein 2025-05-01

Meld asseblief aan om kommentaar te lewer

Militêre basisse ‘val uitmekaar’

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie