Meer as N$250 miljoen vir oorlogsveterane
N$170 000 elk aan 1 584 veterane, projekte
'n Bykomende 1 292 veterane het kennisgewings ontvang en moet hul bankbesonderhede vir onmiddellike betaling indien.
Die ministerie van verdediging en veteranesake sê die ministerie het tot op hede ’n totaal van N$269,2 miljoen aan veterane van die bevrydingstryd uitbetaal.
Adjunkminister Charles Muvita het Woensdag tydens ’n kabinetkomiteevergadering gesê dit is deel van sy ministerie se voortgesette pogings om veterane deur middel van verskeie inisiatiewe in die sosioëkonomiese hoofstroom te betrek.
Volgens hom is kontantbetalings van N$170 000 elk aan 1 584 veterane en hul goedgekeurde projekte volgens die betalingsbeginsel van eerste in, eerste uit (FIFO) gemaak.
’n Bykomende 1 292 veterane het kennisgewings ontvang en moet hul bankbesonderhede vir onmiddellike betaling indien. Dié pogings vorm deel van ’n breër welsynsprogram vir veterane wat ook enkelbedragbetalings, maandelikse subsidietoelaes en verbeterde welsynstoelaes insluit.
Teen 20 Junie vanjaar het altesaam 29 552 veterane eenmalige betalings ontvang. Veterane wat tussen 1959 en 1987 aktief aan die bevrydingstryd deelgeneem het, het N$50 000 ontvang, terwyl diegene wat van 1988 tot 1989 aktief betrokke was, elk N$20 000 ontvang het.
Verder ontvang 19 852 veterane wat kwalifiseer ’n lewenslange maandelikse subsidie van N$2 200, wat ná hul dood uitgebrei word na afhanklikes jonger as 18 jaar. Tans baat 3 101 afhanklikes van 2 276 afgestorwe veterane by dié voordeel.
Die verbeterde welsynstoelaag is uitgebrei na 9 685 veterane met die maandelikse bedrag wat volgens skaal en volgens die tyd van deelname bepaal word.
Vir diegene wat aktief tussen 1959 en 1970 deel van die bevrydingstryd was (tans net 42 veterane), word N$5 000 uitbetaal, N$4 000 vir die groep van 1971 tot 1981(8 697 veterane) en N$3 000 vir die groep van 1982 tot 1989 (946 veterane).
Volgens Muvita fasiliteer die ministerie ook die opgrawing en herbegrawe van gevalle vryheidsvegters, ’n proses wat deur ’n komitee van ses lede gelei word, volgens ’n opdrag van die kabinet.
– [email protected]
Adjunkminister Charles Muvita het Woensdag tydens ’n kabinetkomiteevergadering gesê dit is deel van sy ministerie se voortgesette pogings om veterane deur middel van verskeie inisiatiewe in die sosioëkonomiese hoofstroom te betrek.
Volgens hom is kontantbetalings van N$170 000 elk aan 1 584 veterane en hul goedgekeurde projekte volgens die betalingsbeginsel van eerste in, eerste uit (FIFO) gemaak.
’n Bykomende 1 292 veterane het kennisgewings ontvang en moet hul bankbesonderhede vir onmiddellike betaling indien. Dié pogings vorm deel van ’n breër welsynsprogram vir veterane wat ook enkelbedragbetalings, maandelikse subsidietoelaes en verbeterde welsynstoelaes insluit.
Teen 20 Junie vanjaar het altesaam 29 552 veterane eenmalige betalings ontvang. Veterane wat tussen 1959 en 1987 aktief aan die bevrydingstryd deelgeneem het, het N$50 000 ontvang, terwyl diegene wat van 1988 tot 1989 aktief betrokke was, elk N$20 000 ontvang het.
Verder ontvang 19 852 veterane wat kwalifiseer ’n lewenslange maandelikse subsidie van N$2 200, wat ná hul dood uitgebrei word na afhanklikes jonger as 18 jaar. Tans baat 3 101 afhanklikes van 2 276 afgestorwe veterane by dié voordeel.
Die verbeterde welsynstoelaag is uitgebrei na 9 685 veterane met die maandelikse bedrag wat volgens skaal en volgens die tyd van deelname bepaal word.
Vir diegene wat aktief tussen 1959 en 1970 deel van die bevrydingstryd was (tans net 42 veterane), word N$5 000 uitbetaal, N$4 000 vir die groep van 1971 tot 1981(8 697 veterane) en N$3 000 vir die groep van 1982 tot 1989 (946 veterane).
Volgens Muvita fasiliteer die ministerie ook die opgrawing en herbegrawe van gevalle vryheidsvegters, ’n proses wat deur ’n komitee van ses lede gelei word, volgens ’n opdrag van die kabinet.
– [email protected]
Kommentaar
Republikein
Geen kommentaar is op hierdie artikel gelaat nie