Kinders kry geboortesertifikate

Sowat tien present van Namibiërs landswyd het nie geboortesertifikate nie. Dit beteken onder meer dat kinders nie skool kan bywoon nie en ouers nie vir staatstoelaes kan aansoek doen nie.Die ministerie van binnelandse sake, immigrasie, veiligheid en sekuriteit in samewerking met die Verenigde State het in Augustus ’n inisiatief deur USAID van stapel gestuur wat deur Project Hope Namibia geïmplementeer word om dié kinders te help. Vyftien lede van die Hafunda-familie van die Oshikonda-nedersetting naby Eenhana het nie geboortesertifikate nie. Anastasia Hafunda het van die veldtog gehoor en haar familie geneem om aansoek te doen. Hulle het die 25 kilometer na Eenhana gereis om aansoek te doen.“Twee van my kleinkinders kon nie vir skool registreer nie omdat hulle nie geboortesertifikate het nie. Dit is my plig om te verseker dat hulle nie soortgelyke probleme in die toekoms ondervind nie.”Sewe kleinkinders het reeds hul dokumente ontvang terwyl die ministerie binnekort nog dokumente aan agt sal uitreik. Die veldtog het tot dusver sowat 700 geboortesertifikate aan mense in die Oshikoto-, Ohangwena- en Khomasstreek uitgereik. Die meeste is kwesbare of weeskinders wat by Project Hope geregistreer is. Die veldtog sal in 2023 na die Zambezi-, Oshana-, Omusati- en Kavango-Oos- en -Wesstreek uitbrei.

Kinders kry geboortesertifikate

Kommentaar

Republikein 2025-06-10

Meld asseblief aan om kommentaar te lewer

Kinders kry geboortesertifikate

Kommentaar

Republikein 2025-06-10

Meld asseblief aan om kommentaar te lewer

MELD AAN

Advertensie