Justisie stel nuwe webtuiste bekend
Die ministerie van justisie het onlangs sy webtuiste ’n nuwe, moderne baadjie aangetrek met die oog daarop om die publiek se toegang tot inligting te verbeter en deursigtigheid te bevorder.
Die nuwe webtuiste is verlede week by die Windhoek Buitekluboord in die hoofstad bekend gestel.
Die ministerie se woordvoerder, Edmund Khoaseb, het gespog met die feit dat die nuwe webwerf ’n produk van kragte binne die ministerie is en dat dit geen bykomende koste vereis het nie.
Die ministerie se uitvoerende direkteur, Gladice Pickering, het namens minister Yvonne Dausab die belang van hierdie opgeknapte webwerf uitgewys.
“Dit is ’n belangrike hulpbron in terme van die ministerie se pogings om die Namibiese publiek beter te kan dien.”
Die webwerf beloof om meer gebruikersvriendelik te wees en is so ontwerp dat gebruikers gemaklik tussen funksies kan navigeer en maklik toegang tot inligting kan kry, selfs vir diegene met beperkte tegniese vaardighede.
VERKRYGING, WETGEWING
Die webtuiste bied ook toegang tot die Namibia Legal Information Institute (NamibLII) se webwerf, wat gratis toegang tot wetgewing, uitsprake en Staatskoerante bied.
“Hierdie integrasie ondersteun openbare begrip van die wet en handhaaf die oppergesag van die reg in Namibië,” lui ’n verklaring deur die ministerie.
Alle nodige verkrygingsdokumente en -verslae sal ook op die webwerf gepubliseer word, wat die ministerie aanvoer sy nakoming van die wet op openbare verkryging weerspieël.
“Hierdie inisiatief versterk die ministerie se verbintenis tot etiese verkrygingspraktyke en die doeltreffende bestuur van openbare hulpbronne.”
GEREGTIGHEID
Pickering het in haar toespraak beklemtoon dat die opgeknapte webwerf meer as net ’n digitale platform is, maar ’n deurslaggewende deel van die ministerie se missie om #Justice4All te verseker.
“Die webwerf dien as ’n poort vir burgers om by die ministerie betrokke te raak, toegang tot belangrike regsbronne te verkry en hul regte en verantwoordelikhede ingevolge die wet te verstaan.
“Die opgeknapte webtuiste verteenwoordig ons toewyding aan deursigtigheid, toeganklikheid en die verbetering van geregtigheid in Namibië,” het Pickering tydens die bekendstelling gesê.
Die ministerie het die publiek uitgenooi om die nuwe webtuiste te besoek en voordeel daaruit te trek.
“Terugvoer van die publiek word verwelkom aangesien dit die ministerie sal help om sy dienste te verfyn om beter in die behoeftes van die Namibiese mense te voorsien.”
– [email protected]
Die nuwe webtuiste is verlede week by die Windhoek Buitekluboord in die hoofstad bekend gestel.
Die ministerie se woordvoerder, Edmund Khoaseb, het gespog met die feit dat die nuwe webwerf ’n produk van kragte binne die ministerie is en dat dit geen bykomende koste vereis het nie.
Die ministerie se uitvoerende direkteur, Gladice Pickering, het namens minister Yvonne Dausab die belang van hierdie opgeknapte webwerf uitgewys.
“Dit is ’n belangrike hulpbron in terme van die ministerie se pogings om die Namibiese publiek beter te kan dien.”
Die webwerf beloof om meer gebruikersvriendelik te wees en is so ontwerp dat gebruikers gemaklik tussen funksies kan navigeer en maklik toegang tot inligting kan kry, selfs vir diegene met beperkte tegniese vaardighede.
VERKRYGING, WETGEWING
Die webtuiste bied ook toegang tot die Namibia Legal Information Institute (NamibLII) se webwerf, wat gratis toegang tot wetgewing, uitsprake en Staatskoerante bied.
“Hierdie integrasie ondersteun openbare begrip van die wet en handhaaf die oppergesag van die reg in Namibië,” lui ’n verklaring deur die ministerie.
Alle nodige verkrygingsdokumente en -verslae sal ook op die webwerf gepubliseer word, wat die ministerie aanvoer sy nakoming van die wet op openbare verkryging weerspieël.
“Hierdie inisiatief versterk die ministerie se verbintenis tot etiese verkrygingspraktyke en die doeltreffende bestuur van openbare hulpbronne.”
GEREGTIGHEID
Pickering het in haar toespraak beklemtoon dat die opgeknapte webwerf meer as net ’n digitale platform is, maar ’n deurslaggewende deel van die ministerie se missie om #Justice4All te verseker.
“Die webwerf dien as ’n poort vir burgers om by die ministerie betrokke te raak, toegang tot belangrike regsbronne te verkry en hul regte en verantwoordelikhede ingevolge die wet te verstaan.
“Die opgeknapte webtuiste verteenwoordig ons toewyding aan deursigtigheid, toeganklikheid en die verbetering van geregtigheid in Namibië,” het Pickering tydens die bekendstelling gesê.
Die ministerie het die publiek uitgenooi om die nuwe webtuiste te besoek en voordeel daaruit te trek.
“Terugvoer van die publiek word verwelkom aangesien dit die ministerie sal help om sy dienste te verfyn om beter in die behoeftes van die Namibiese mense te voorsien.”
– [email protected]
Kommentaar
Republikein
Geen kommentaar is op hierdie artikel gelaat nie