Handelsbeleid beïndruk die VN
Kenners bestudeer konsepbeleid noukeurig
Namibië beoog 'n beleid wat die hernude fokus op die uitvoer van dienste sal plaas.
Die Verenigde Nasies (VN) se ekonomiese kommissie in Afrika prys Namibië se nuwe nasionale handelsbeleid.
Die hoof van inklusiewe nywerheidsontwikkeling vir die kommissie se kantoor in Suider-Afrika, Olayinka Bandele, het Maandag tydens ’n slypskool in die hoofstad gesê die nuwe beleid beoog om uitvoermarkte vir Namibië se produkte en dienste te integreer, asook om toegang tot nuwe groter markte te vergemaklik, om te baat uit volhoubare groei en ontwikkeling.
“Die beleid poog om ekonomiese diversiteit te bevorder, werksgeleenthede te skep, mededinging op te skerp en die land se deelname in streek en internasionale handel te verbeter om armoede te verlig deur geteikende burgerlike deelname aan handelsbedrywighede.”
Die slypskool het beamptes van die ministeries verantwoordelik vir handel, landbou, mynbou, energie, asook akademiese kenners en kundiges van staatsondermenings, die Nasionale Beplanningskommissie, die Namibië Statistiekagentskap, verteenwoordigers van die finansiële sektor, vrouebesigheidsorganisasies, jeugdiges, en die Verenigde Nasies in Namibië bymekaar gebring om die konsepbeleid goed te keur.
Die fokus is egter tydens die slypskool op die bevordering van die uitvoer van dienste geplaas.
Die konsepbeleid vir nasionale handel bevat nou maatreëls en strategie om handel in beide goedere en dienste te bevorder, en daarmee volhoubare ekonomiese groei en ontwikkeling in Namibië ’n vastrapplek te gee, volgens ’n gesamentlike verklaring.
“Handel in dienste het die mees dinamiese deel van globale handel in onlangse jare geword, en is ’n opsie vir ’n verskeidenheid van uitvoergeleenthede in ontwikkelende lande, insluitende Namibië,” lui die verklaring.
“Dienste is belangrik vir Namibië se ontwikkeling as ’n inset tot die produksie van goedere en as ’n roete tot diversifikasie van uitvoere, en is dus ’n sterk bydraer tot insluitende groei, werkskepping en armoede verligting,” volgens die verklaring.
Die konsepdokument is met die hulp van die kommissie saamgestel.
Die ministerie van nywerheidsontwikkeling en handel se adjunk- uitvoerende direkteur vir internasionale handel en besigheid, Ndiitah Nghipondoka-Robiati, het die kommissie vir sy waardevolle insette bedank.
“Ons word aangespoor deur die belangstelling wat belanghebbers toon om kwessies te ontleed en voorstelle te maak om die konsepbeleid te verbeter.”
Sy sê die verhoogde deelname van onder meer die regering, staatsondernemings, statistikusse en beamptes vanuit die finansiële sektor, is verfrissend.
“Die toepassing van die handelsbeleid dra by tot die land se pogings om volhoubare ontwikkelingsdoelwitte te bereik en om die globale vennootskappe vir volhoubare ontwikkeling te laat herleef,” voeg sy by.
– [email protected]
Die hoof van inklusiewe nywerheidsontwikkeling vir die kommissie se kantoor in Suider-Afrika, Olayinka Bandele, het Maandag tydens ’n slypskool in die hoofstad gesê die nuwe beleid beoog om uitvoermarkte vir Namibië se produkte en dienste te integreer, asook om toegang tot nuwe groter markte te vergemaklik, om te baat uit volhoubare groei en ontwikkeling.
“Die beleid poog om ekonomiese diversiteit te bevorder, werksgeleenthede te skep, mededinging op te skerp en die land se deelname in streek en internasionale handel te verbeter om armoede te verlig deur geteikende burgerlike deelname aan handelsbedrywighede.”
Die slypskool het beamptes van die ministeries verantwoordelik vir handel, landbou, mynbou, energie, asook akademiese kenners en kundiges van staatsondermenings, die Nasionale Beplanningskommissie, die Namibië Statistiekagentskap, verteenwoordigers van die finansiële sektor, vrouebesigheidsorganisasies, jeugdiges, en die Verenigde Nasies in Namibië bymekaar gebring om die konsepbeleid goed te keur.
Die fokus is egter tydens die slypskool op die bevordering van die uitvoer van dienste geplaas.
Die konsepbeleid vir nasionale handel bevat nou maatreëls en strategie om handel in beide goedere en dienste te bevorder, en daarmee volhoubare ekonomiese groei en ontwikkeling in Namibië ’n vastrapplek te gee, volgens ’n gesamentlike verklaring.
“Handel in dienste het die mees dinamiese deel van globale handel in onlangse jare geword, en is ’n opsie vir ’n verskeidenheid van uitvoergeleenthede in ontwikkelende lande, insluitende Namibië,” lui die verklaring.
“Dienste is belangrik vir Namibië se ontwikkeling as ’n inset tot die produksie van goedere en as ’n roete tot diversifikasie van uitvoere, en is dus ’n sterk bydraer tot insluitende groei, werkskepping en armoede verligting,” volgens die verklaring.
Die konsepdokument is met die hulp van die kommissie saamgestel.
Die ministerie van nywerheidsontwikkeling en handel se adjunk- uitvoerende direkteur vir internasionale handel en besigheid, Ndiitah Nghipondoka-Robiati, het die kommissie vir sy waardevolle insette bedank.
“Ons word aangespoor deur die belangstelling wat belanghebbers toon om kwessies te ontleed en voorstelle te maak om die konsepbeleid te verbeter.”
Sy sê die verhoogde deelname van onder meer die regering, staatsondernemings, statistikusse en beamptes vanuit die finansiële sektor, is verfrissend.
“Die toepassing van die handelsbeleid dra by tot die land se pogings om volhoubare ontwikkelingsdoelwitte te bereik en om die globale vennootskappe vir volhoubare ontwikkeling te laat herleef,” voeg sy by.
– [email protected]
Kommentaar
Republikein
Geen kommentaar is op hierdie artikel gelaat nie