Divundu se korrektiewe geriewe kort 520 beamptes
‘n Enkele beampte wat toesig oor dosyne gevangenes in verskeie selblokke moet hou, met die beperkte mannekrag wat geweldige druk op personeel plaas en die sekuriteit en rehabilitasie van die diens in gevaar stel.
Dit is die donker prentjie van die Namibiese Korrektiewe Dienste (NCS) op Divundu in Kavango-Oos wat tans teen ‘n skrale 26% van sy kapasiteit bedryf word. Adjunk-kommissaris Saima Kamwangha het tydens ‘n mediakonferensie op Divundu bevestig dat die NCS hier teen net ‘n kwart van sy goedgekeurde kapasiteit bedryf word, met ‘n personeeltekort van 74%.
Volgens Kamwangha is daar tans net 183 beamptes in diens, waarvan 95 mans en 88 vroue is. Dit terwyl die NCS goedkeuring het om 703 beamptes in diens te neem.
Die 521 vakante poste wek ernstige kommer oor die bedryf en veiligheid in korrektiewe instellings het sy gemaan.
Divundu het kapasiteit vir 530 gevangenes en huisves tans 440. Onder die gevangenes is 36 Angolese burgers, vier Zimbabwiërs en een Zambiër.
Divundu is een van 13 korrektiewe geriewe onder die NCS wat gesamentlik ‘n gekombineerde kapasiteit vir sowat 5 400 gevangenes het.
Hoewel die vakante poste bestaan, sê Kamwangha dit val onder die gesag van die NCS-hoofkwartiere en word op hierdie vlak hanteer.
Sy het die huidige stand van sake as “onvolhoubaar” beskryf en beklemtoon dit plaas geweldige druk op huidige personeel. Die reusetekort het sommige beamptes tot op die rand gestoot, het Kamwangha gemaan, met een beampte wat verantwoordelik is vir verskeie gevangenes wat nie eers almal in dieselfde blok selle is nie.
As deel van die regering se pogings om werkloosheid onder jongmense te verminder, het eerste minister Elijah Ngurare onlangs aangekondig dat
4 310 jong mense in al 14 die streke vir die staatsdiens gewerf word. Die NCS het reeds 278 gegradueerdes absorbeer, met ‘n bykomende 450 rekrute wat na verwagting op 1 Augustus sal aanmeld.
Ngurare het ook bedryfsuitdagings erken wat deur korrektiewe instellings in die gesig gestaar word en wat insluit personeeltekorte, ‘n gebrek aan uniforms, onvoldoende veiligheidstoerusting, asook beperkte behuising en vervoer.
Hy het ‘n beroep op die ministerie van binnelandse sake, immigrasie, veiligheid en sekuriteit gedoen om die ontwikkeling van behuising vir personeel te prioritiseer en in Windhoek te begin. Hy het voorts ‘n beroep op nuwe rekrute gedoen om dissipline en integriteit te handhaaf en het hulle gemaan om nie betrokke te raak by smokkelary of om gevangenes te help ontsnap nie. - [email protected]
Dit is die donker prentjie van die Namibiese Korrektiewe Dienste (NCS) op Divundu in Kavango-Oos wat tans teen ‘n skrale 26% van sy kapasiteit bedryf word. Adjunk-kommissaris Saima Kamwangha het tydens ‘n mediakonferensie op Divundu bevestig dat die NCS hier teen net ‘n kwart van sy goedgekeurde kapasiteit bedryf word, met ‘n personeeltekort van 74%.
Volgens Kamwangha is daar tans net 183 beamptes in diens, waarvan 95 mans en 88 vroue is. Dit terwyl die NCS goedkeuring het om 703 beamptes in diens te neem.
Die 521 vakante poste wek ernstige kommer oor die bedryf en veiligheid in korrektiewe instellings het sy gemaan.
Divundu het kapasiteit vir 530 gevangenes en huisves tans 440. Onder die gevangenes is 36 Angolese burgers, vier Zimbabwiërs en een Zambiër.
Divundu is een van 13 korrektiewe geriewe onder die NCS wat gesamentlik ‘n gekombineerde kapasiteit vir sowat 5 400 gevangenes het.
Hoewel die vakante poste bestaan, sê Kamwangha dit val onder die gesag van die NCS-hoofkwartiere en word op hierdie vlak hanteer.
Sy het die huidige stand van sake as “onvolhoubaar” beskryf en beklemtoon dit plaas geweldige druk op huidige personeel. Die reusetekort het sommige beamptes tot op die rand gestoot, het Kamwangha gemaan, met een beampte wat verantwoordelik is vir verskeie gevangenes wat nie eers almal in dieselfde blok selle is nie.
As deel van die regering se pogings om werkloosheid onder jongmense te verminder, het eerste minister Elijah Ngurare onlangs aangekondig dat
4 310 jong mense in al 14 die streke vir die staatsdiens gewerf word. Die NCS het reeds 278 gegradueerdes absorbeer, met ‘n bykomende 450 rekrute wat na verwagting op 1 Augustus sal aanmeld.
Ngurare het ook bedryfsuitdagings erken wat deur korrektiewe instellings in die gesig gestaar word en wat insluit personeeltekorte, ‘n gebrek aan uniforms, onvoldoende veiligheidstoerusting, asook beperkte behuising en vervoer.
Hy het ‘n beroep op die ministerie van binnelandse sake, immigrasie, veiligheid en sekuriteit gedoen om die ontwikkeling van behuising vir personeel te prioritiseer en in Windhoek te begin. Hy het voorts ‘n beroep op nuwe rekrute gedoen om dissipline en integriteit te handhaaf en het hulle gemaan om nie betrokke te raak by smokkelary of om gevangenes te help ontsnap nie. - [email protected]
Kommentaar
Republikein
Geen kommentaar is op hierdie artikel gelaat nie