Arbeidsministerie betaal steeds afgestorwe werkers
Ouditverslag lig onreëlmatighede uit
Daar is glo nie meganismes in plek om te verifieer of die ministerie steeds salarisse betaal aan personeellede wat intussen dood is nie.
Ogone Tlhage – ’n Oudit deur die kantoor van die ouditeur-generaal het bevind die ministerie van arbeid, nywerheidsbetrekkinge en werkskepping het nie meganismes in plek om te verifieer of hy steeds salarisse betaal aan personeellede wat intussen dood is nie.
Dié bevindinge word uiteengesit in die ministerie se ouditverslag vir die 2022-boekjaar.
“Die oudit het bevind afgestorwe werknemers wat vergoeding vir beroepsbeserings ontvang het, steeds aktief is op die ministerie se betaalstaatmodule en hulle is ’n maandelikse voordeel betaal – selfs ná die sterfdatum,” lui die ouditverslag.
Ouditeur-generaal Junias Kandjeke het opgemerk die ministerie kan nie vasstel wie – onder personeellede aan wie hy vergoeding betaal – is dood nie.
“Die rekeningbeampte het aangedui alhoewel die begunstigdes op die ministeriële betaalstaat is, het die ministerie nie toegang tot inligting om te bepaal of hulle nog lewe of nie,” lui die verslag.
SSC-VERIFIKASIE
Luidens die ouditverslag maak die ministerie staat op die rekords van die Maatskaplike Voorsorgkommissie (SSC) om te verifieer watter van sy werknemers dood is.
“Die ministerie is tans besig met die samestelling van ’n databasis van alle vergoedingstoekennings wat aktief is op die betaalstaatstelsel deur die insameling van alle inligting wat die SSC vrygestel het. Dit sodat die ministerie jaarliks betaalstaatverifikasie kan uitvoer om soortgelyke situasies in die toekoms te vermy,” luidens die verslag.
Ander ouditkwessies wat uitgelig is, sluit in hoe die ministerie sy inkomste gemotiveer het.
“Die inkomste vir die 2021-’22-boekjaar wat deur die rekenpligtige beampte vermeld word, verskil van die inkomste vir die 2021-’22-boekjaar wat in die inkomstegrootboek weerspieël word. Daar word aanbeveel dat die rekenpligtige beampte moet verseker dat die inkomste wat aangemeld word, nie moet verskil van die inkomste wat in die inkomstegrootboek gereflekteer word nie,” het die ouditeur-generaal geskryf.
– [email protected]
Dié bevindinge word uiteengesit in die ministerie se ouditverslag vir die 2022-boekjaar.
“Die oudit het bevind afgestorwe werknemers wat vergoeding vir beroepsbeserings ontvang het, steeds aktief is op die ministerie se betaalstaatmodule en hulle is ’n maandelikse voordeel betaal – selfs ná die sterfdatum,” lui die ouditverslag.
Ouditeur-generaal Junias Kandjeke het opgemerk die ministerie kan nie vasstel wie – onder personeellede aan wie hy vergoeding betaal – is dood nie.
“Die rekeningbeampte het aangedui alhoewel die begunstigdes op die ministeriële betaalstaat is, het die ministerie nie toegang tot inligting om te bepaal of hulle nog lewe of nie,” lui die verslag.
SSC-VERIFIKASIE
Luidens die ouditverslag maak die ministerie staat op die rekords van die Maatskaplike Voorsorgkommissie (SSC) om te verifieer watter van sy werknemers dood is.
“Die ministerie is tans besig met die samestelling van ’n databasis van alle vergoedingstoekennings wat aktief is op die betaalstaatstelsel deur die insameling van alle inligting wat die SSC vrygestel het. Dit sodat die ministerie jaarliks betaalstaatverifikasie kan uitvoer om soortgelyke situasies in die toekoms te vermy,” luidens die verslag.
Ander ouditkwessies wat uitgelig is, sluit in hoe die ministerie sy inkomste gemotiveer het.
“Die inkomste vir die 2021-’22-boekjaar wat deur die rekenpligtige beampte vermeld word, verskil van die inkomste vir die 2021-’22-boekjaar wat in die inkomstegrootboek weerspieël word. Daar word aanbeveel dat die rekenpligtige beampte moet verseker dat die inkomste wat aangemeld word, nie moet verskil van die inkomste wat in die inkomstegrootboek gereflekteer word nie,” het die ouditeur-generaal geskryf.
– [email protected]
Kommentaar
Republikein
Geen kommentaar is op hierdie artikel gelaat nie