Afcon-syfers is uit die duim gesuig, sê Tjongarero
Sportminister lê blaam voor agent se deur
Namibië sou die sokkertoernooi saam met Botswana aanbied, ingevolge 'n ooreenkoms wat sou verseker dat dié land 60% en Namibië 40% van die koste sou dra.
Jemima Beukes
Agnes Tjongarero, die minister van sport, jeug en nasionale diens, sê Namibië het sy bod om as medegasheer van die 2027 Afrikabeker-toernooi (Afcon) op te tree, onttrek “omdat die proses nie deursigtig was nie”.
’n Agent wat aangestel is om ’n inspeksie van die fasiliteite te doen, het “syfers uit sy duim gesuig”, het die minister vandeesweek gesê en bygevoeg ’n ministeriële verklaring oor die onttrekkingsbesluit sal binnekort uitgereik word.
Die minister het gereageer op vrae van die Landless People’s Movement (LPM) se parlementslid, Utaara Mootu.
Namibië sou die sokkertoernooi saam met Botswana aanbied, ingevolge ’n ooreenkoms dat dié buurland 60% van die koste en Namibië 40% sou dek.
“Ons het aanvanklik ’n begroting gekry wat deur die regering goedgekeur is. Ons het die begroting na die kabinet geneem en dis goedgekeur. Toe ons die agent moes aanstel om die fasiliteitinspeksies te doen, het dit aan die lig gekom dat ons N$8 miljoen moes opdok, maar die begroting wat ons ontvang het, was sowat N$1,2 miljoen,” het Tjongarero verduidelik.
“Ons het met onderhandelinge begin en ek het selfs my uitvoerende direkteur opdrag gegee om na Botswana te reis om te onderhandel. Op die ou end het die N$8 miljoen na N$2 miljoen afgekom.
“Op 12 April het die Konfederasie van Afrika-sokker (CAF) die tender kom oopmaak, maar nou met spesifieke take om te doen [oor die volgende 31 dae],” het sy gesê.
Sy sê die “hartseer deel” was dat die geskatte begroting van N$7 miljoen tot N$49 miljoen geklim het.
ONMOONTLIK
Die sportministerie het glo die ministerie van finansies genader om vir meer geld te vra, maar is meegedeel dat dit onmoontlik is aangesien die syfer veels te hoog is om mee te werk.
“Ek het met my eweknie [in Botswana] gepraat en die agentskap wou nou hê ons moet teken. Die sperdatum om te onderteken was 19 April. Ons moes rondhardloop ... maar finansies het nee gesê, en ek het my eweknie vertel wat die situasie is.
“Alles het vir ons te duur geword. Ek kon dit nie onderteken nie. Ongelukkig het dit nou aan die lig gekom dat daardie begroting wat aan ons deurgegee is, uit die duim gesuig was.”
Mootu wou weet hoeveel die sportministerie aan die onderhandelinge bestee het, en of Tjongarero verstaan watter gevolge dit op Namibië en Botswana se bilaterale en diplomatieke betrekkinge kan hê.
“Hoekom het die minister besluit om die bod op die nippertjie terug te trek, terwyl sy vooraf geweet het watter internasionale verleentheid dit vir die land sou veroorsaak?” wou sy weet.
AKKURATE IDEE
“Minister, u het ingestem tot die gesamentlike tender en u het ons as ’n nasie hoë verwagtinge gegee en [op die] laaste oomblik het u besluit om te onttrek. My vraag is: Het jy nie kundiges saam met wie jy werk wat vir jou berekeninge kan gee oor hoe dit werk nie?” het Mootu gevra.
“As hulle daar is, hoekom kon hulle jou nie ’n akkurate idee gee nie? Gee ook vir ons die bedrag geld wat jy bestee het vir jou en jou span om in die buurlande rond te reis,” het sy aangedring.
– [email protected]
Agnes Tjongarero, die minister van sport, jeug en nasionale diens, sê Namibië het sy bod om as medegasheer van die 2027 Afrikabeker-toernooi (Afcon) op te tree, onttrek “omdat die proses nie deursigtig was nie”.
’n Agent wat aangestel is om ’n inspeksie van die fasiliteite te doen, het “syfers uit sy duim gesuig”, het die minister vandeesweek gesê en bygevoeg ’n ministeriële verklaring oor die onttrekkingsbesluit sal binnekort uitgereik word.
Die minister het gereageer op vrae van die Landless People’s Movement (LPM) se parlementslid, Utaara Mootu.
Namibië sou die sokkertoernooi saam met Botswana aanbied, ingevolge ’n ooreenkoms dat dié buurland 60% van die koste en Namibië 40% sou dek.
“Ons het aanvanklik ’n begroting gekry wat deur die regering goedgekeur is. Ons het die begroting na die kabinet geneem en dis goedgekeur. Toe ons die agent moes aanstel om die fasiliteitinspeksies te doen, het dit aan die lig gekom dat ons N$8 miljoen moes opdok, maar die begroting wat ons ontvang het, was sowat N$1,2 miljoen,” het Tjongarero verduidelik.
“Ons het met onderhandelinge begin en ek het selfs my uitvoerende direkteur opdrag gegee om na Botswana te reis om te onderhandel. Op die ou end het die N$8 miljoen na N$2 miljoen afgekom.
“Op 12 April het die Konfederasie van Afrika-sokker (CAF) die tender kom oopmaak, maar nou met spesifieke take om te doen [oor die volgende 31 dae],” het sy gesê.
Sy sê die “hartseer deel” was dat die geskatte begroting van N$7 miljoen tot N$49 miljoen geklim het.
ONMOONTLIK
Die sportministerie het glo die ministerie van finansies genader om vir meer geld te vra, maar is meegedeel dat dit onmoontlik is aangesien die syfer veels te hoog is om mee te werk.
“Ek het met my eweknie [in Botswana] gepraat en die agentskap wou nou hê ons moet teken. Die sperdatum om te onderteken was 19 April. Ons moes rondhardloop ... maar finansies het nee gesê, en ek het my eweknie vertel wat die situasie is.
“Alles het vir ons te duur geword. Ek kon dit nie onderteken nie. Ongelukkig het dit nou aan die lig gekom dat daardie begroting wat aan ons deurgegee is, uit die duim gesuig was.”
Mootu wou weet hoeveel die sportministerie aan die onderhandelinge bestee het, en of Tjongarero verstaan watter gevolge dit op Namibië en Botswana se bilaterale en diplomatieke betrekkinge kan hê.
“Hoekom het die minister besluit om die bod op die nippertjie terug te trek, terwyl sy vooraf geweet het watter internasionale verleentheid dit vir die land sou veroorsaak?” wou sy weet.
AKKURATE IDEE
“Minister, u het ingestem tot die gesamentlike tender en u het ons as ’n nasie hoë verwagtinge gegee en [op die] laaste oomblik het u besluit om te onttrek. My vraag is: Het jy nie kundiges saam met wie jy werk wat vir jou berekeninge kan gee oor hoe dit werk nie?” het Mootu gevra.
“As hulle daar is, hoekom kon hulle jou nie ’n akkurate idee gee nie? Gee ook vir ons die bedrag geld wat jy bestee het vir jou en jou span om in die buurlande rond te reis,” het sy aangedring.
– [email protected]
Kommentaar
Republikein
Geen kommentaar is op hierdie artikel gelaat nie