Aandag gevestig op informele ekonomie

“Die informele ekonomie is noodsaaklik vir die lewensbestaan van talle Namibiërs. “Tog bied dié ekonomie uitdagings in terme van arbeidsregte, maatskaplike beskerming en ekonomiese stabiliteit,” het die minister van arbeid, nywerheidsbetrekkinge en werkskepping, Utoni Nujoma, gister by die eerste dag van ’n tweedag-slypskool by die Mercure Hotel in Windhoek gesê. “Ons toewyding tot ordentlike werksgeleenthede en inklusiewe ekonomiese groei strek tot alle sektore – formeel en informeel,” sê die minister.Nujoma erken die informele ekonomie is kompleks en veelsydig, en dit is hoekom dié slypskool met verskeie belanghebbers ’n merkwaardige stap is om ’n beter begrip van die sektore te ontwikkel. Verder het die Verenigde Nasies (VN) Namibië uitgekies om die versneller van werkskepping en maatskaplike beskerming vir regverdige oorgang vas te stel, asook ’n toetsland te wees vir die Internasionale Arbeidsorganisasie (ILO) se strategie om ongelykheid in die arbeidsmark te verminder, het hy beklemtoon.Die regering wil fokus op die formalisering van die informele ekonomie, wat as bydraende faktor tot ongelykheid en ’n struikelblok tot maatskaplike regverdigheid beskou word, sê hy.Die VN se koördineerder in Namibië, Hopolang Phororo, het gister gesê die informele ekonomie is die grootste werkgewer in Namibië (55% teen 2018), ’n tekort aan werksgeleenthede veral in landelike gebiede dra by tot die uitbreiding van die informele ekonomie, informele ekonomiese aktiwiteite dra by tot die bruto binnelandse produk (BBP), en dat 41% van Namibië se stedelike inwoners in informele nedersettings woon waar die informele ekonomie floreer. “Lande kort dikwels toepaslike data, middele en gereedskap om hul ekonomiese dinamika te verstaan,” voeg sy by.Die adjunkgoewerneur van die Bank of Namibia (BoN), Ebson Uanguta, het gesê: “Behalwe om data te versamel, sal die diagnose van die informele ekonomie ook ons finansiële inklusiwiteit bevorder en ambisies aanvul. “Deur die informele sektor te integreer, sal ons Namibiërs bemagtig, entrepreneurskap bevorder en die grondslag lê vir ’n meer stabiele ekonomiese en finansiële toekoms.”Voorleggings deur beamptes van die Namibië Statistiekagentskap (NSA) het die noodsaaklikheid van ’n opname van die plaaslike informele ekonomie beklemtoon. Volgens Titus Kamatuka, ’n senior statistikus by die NSA, is so ’n opname al lank uitstaande.Ander betrokke belanghebbers sluit onder meer die ministerie van nywerheidsontwikkeling en handel, verskeie vakbonde, werkgewersorganisasies en welsynsorganisasies in. – augetto@republikein.com.na

Aandag gevestig op informele ekonomie

Kommentaar

Republikein 2026-05-05

Meld asseblief aan om kommentaar te lewer

Aandag gevestig op informele ekonomie

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.