Vaarwel, Ras Sheehama

Ras Sheehama is oorlede.Hy was 59 jaar oud met sy heengaan op Vrydag, 5 September.Met sy selfdood is &#039;n ikoniese Namibiese beliggaming van die droom, die hoop, die menslike uitlewing van die nasionale stryd vir &#039;n beter toekoms ook stil.Die selfverklaarde &#039;rebel rasta&#039; het reggae-musiek met politieke kommentaar saamgesmelt om een van Namibië se mees internasionaal erkende kunstenaars te word. Ons sal Ras se unieke liedjie "Inotila" nooit weer in sy eie lewende stem hoor nie. Ons sal self die hartseer van die algemene Namibiese ervaring moet laat vaar. Van nou af sal ons, ons eie redes moet vind om vas te hou, om aan te hou, om deur te druk.Diegene van ons wat gelukkig genoeg is om steeds sy stem in ons geheue te kan hoor, sal moet aanbeweeg en die pyn van die verlede, die hede en die afsienbare toekoms moet neerlê, en nog &#039;n tree na uiteindelike geregtigheid moet neem.Vir hom was hierdie volgende tree een te veel.Gebore as Hans Jaaliyatala Sheehama in 1966 in Onakayal, Ombalantu, was Ras se lewe een van hartseer en oorwinning, een van deernis en meegevoel, een van hoop ten spyte die onderdrukking van die samelewing. Ras se stem het baie Namibiërs deur moeilike tye gedra. Daai geluid, wat harte aangeraak en vreugde geïnspireer het, wat hoop weer wakker gemaak het, is nie meer met ons tussen die lewendes nie. Tog bly sy boodskap in ons harte en sy doelwitte hoog in ons eie begeertes vir wat Namibië kan word, en wie ons Namibiërs eendag mag wees.Ras se pa, David Sheehama was in 1980 deur die apartheidsregering vermoor in ‘n aanval waarin sy ma Jacobina Taukondjele Sheehama ook gewond was. Sy is in November 2020 oorlede.In 1979, toe Sheehama net 12 jaar oud was, het hy die noordelike Namibiese grens na Angola oorgesteek om by Swapo in ballingskap in Lubango en in Cuanza Sul aan te sluit, voor het later na Nigerië gestuur was.Hy het by Swapo se Ndilimani-kultuurgroep aangesluit met sy terugkeer na Angola vanaf Nigerië, en voor die eerste vrye verkiesings wat tot Namibië se onafhanklikheid gelei het, was hulle getaak om musiek te verskaf by die byeenkomste wat Swapo se verkiesingsveldtog begin het.Hy het egter die politieke orkesgroep verlaat en in sy solo-loopbaan het hy sedert 1990 verskeie tydlose treffers vrygestel, soos &#039;Cassinga&#039;, &#039;Push And Pull&#039;, &#039;City Young Girl&#039; en &#039;Inotila&#039;.Sheehama in 1999 in Duitsland by die Afrika-fees in Würzburg in opgetree en ook in die Verenigde Koninkryk, Kuba, Portugal en Switserland en natuurlik in Suid-Afrika en ontelbare kere ooral oor Namibië.Sy diskografie sluit albums in soos ‘Kings Music’ (1991), ‘Push and Pull’ (1992), ‘Strictly Ras Sheehama’ (1995), ‘Travelling’ (1996), ‘Pure Love’ (2002), ‘Travelling On’ (2006), ‘The Best of 1991–2005’ (2007) en ‘Watch Over Us’ (2008) in. Met ‘Step Up’ wat in 2016 vrygestel is, het hy sy klank weer eens herontdek en gemoderniseer. In 2020 het hy &#039;n dubbelversameling met die titel &#039;The Journey&#039; vrygestel, wat die meerderheid van sy oorspronklike treffers byeen gebring het.LOFSANGEDie nuus van Ras se afsterwe het wydverspreide reaksie uitgelok en selfs president Netumbo Nandi-Ndaitwah se kantoor het &#039;n verklaring uitgereik.“Dit is met diepe hartseer dat ek verneem van die afsterwe van Ras Sheehama, &#039;n ware legende van Namibiese musiek en kultuur. Ras Sheehama was meer as net &#039;n reggae-kunstenaar; hy was &#039;n stem van hoop, weerstand en eenheid wat generasies voor en na onafhanklikheid geïnspireer het. Deur sy musiek het hy die gees van vryheid beliggaam en ons herinner aan kuns se krag om te genees, uit te daag en op te hef,” skryf president Nandi-Ndaitwah.“In ons donkerste oomblikke was Sheehama die lig wat baie van ons gelei het,” sê sy. “Sy afsterwe dien as &#039;n ontnugterende herinnering aan die stille stryd wat baie steeds in die gesig staar. Die tragiese omstandighede van sy dood beklemtoon die dringende behoefte vir ons nasie om ons kapasiteit om die toenemende gevalle van selfdood aan te spreek te versterk, en &#039;n samelewing te bevorder waar niemand in stilte ly nie.”Die jong Namibiese musikant, Sagarias Tsam het geskryf: Rus in vrede, Ras Sheehama. Ons is seergemaak, ons huil broer. Mag God ons vertroos, veral jou familie in hierdie moeilike tye. Ons het jou liefgehad en jy sal vir ewig in ons harte voortleef."Die bekroonde Namibiese akteur, Armas Shivute Armas, sê hy het &#039;n vriend, &#039;n broer, &#039;n landgenoot, &#039;n kameraad, &#039;n mede-kunstenaar, maar bowenal &#039;n nasionale ikoon verloor.- augetto@nmh-hub.com.naKlik op die skakel https://q.my.na/1VD9

Vaarwel, Ras Sheehama

Kommentaar

Republikein 2025-12-15

Meld asseblief aan om kommentaar te lewer

Vaarwel, Ras Sheehama

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.