Vaarwel, mediaveteraan

Chrisna (née Mudge) Greeff (73) se dood Vrydag is op die middaguur aangekondig toe ek Ovigere deursteek met die Etjoberg voor my. My reis was na die Mount Etjo-gasteplaas. Dit was voorheen Mudge-wêreld. Die plek waar ek, Chrisna en haar pa, die oudpolitikus Dirk Mudge, ure lank gepraat het oor die media en die toekoms. En die toekoms ná die toekoms.Chrisna was sedert kort na onafhanklikwording en die metamorfose van Republikein na Democratic Media Holdings (DMH) eers medebesturende direkteur van die maatskappy en toe die aangewese besturende direkteur. In die verandering van die medialandskap het sy op haar plat gemaklike leerskoentjies eers vastrapplek gevind in die finansiële modderpoel waaruit die groep moes worstel. Die druk was erg en sy het eenvoudig nooit gewyfel met die touleiersriem in haar vrouehand nie. Saam met die bestuurspan wat sy gebou het, het sy elke uitdaging vierkantig in die oë gekyk en voortgestu. Chrisna het met ’n harde stem om hulp geroep as die vrag swaar geraak het. Deur lojaliteit te kweek, kon sy keer op keer ’n spesialis vind om te help waar kennis, ervaring of nuwe denke nodig was.DMH het sy pad onder haar leierskap vanaf Windhoek se middestad in Stübelstraat na ’n nuwe standplaas in Omurambaweg in Eros gevind waar media herdink is. Dis hier waar die drukmasjien as die sentrale punt van koerantwese bewend onder die redaksies dringendheid bepaal het. Hoewel nie self ’n joernalis nie, het sy die harte van storiejagters verstaan.Maar, die medialandskap het saam met die kalenderblaaie omgeslaan en dit moes eweneens bestuur word. Nuwe media moes in die Namibiese arena help vorm word en Chrisna het die nood al omstreeks 2010 verstaan. Radio, internet, sosialemediaplatforms en ander vorme van kommunikasie het op hul aandeel van die publiek se aandag aangedring, terwyl tradisionele gedrukte koerante lank genoeg staande moes bly om omskakeling te finansier. Dít het Chrisna ook goed vertaan en sy het deur vennootskappe daardie weg suksesvol ondersoek en gefassiliteer tot haar vertrek uit die media-omgewing. Sy kon die teuels nie sonder meer los nie en dit het tot haar betrokkenheid by Future Media gelei.BOU SKOOLIntussen het sy as voorsitter van die Dirk Mudge Trust een van haar grootse weldade uitgevoer. In die Omusatistreek in die Noorde het die opknapping van die skool by Otjorute tot ’n volgende en finale projek gelei. Die Nakayale Private Academy is uit die grond by Etunda gebou, volgens elke reël in die boek geregistreer en bestuur en staan vandag as ’n monument vir Dirk Mudge, die vader van die DTA, ’n Grondwetskrywer en waarborg van die vrye pers, demokrasie en veral gelyke geleentheid trots in die duinesand van Omusati. Chrisna se hand kan in die ontwerp en detail gesien word, want dit was háár projek!Chrisna het ’n blywende impak gemaak en Namibië ’n beter plek agtergelaat as die een waarin sy in 1954 aagekom het.Sy is in ’n Windhoekse hospitaal oorlede nadat sy verskeie gesondheidskomplikasies gehad het.Chrisna word deur haar man, dr. Thys Greeff, drie dogters, Mariëtte Boltman, Christine Hugo en Mimi Nel, kleinkinders, susters Annalien Basson en Rièth van Schalkwyk en broers Henk en Jaco Mudge oorleef.– republikein@republikein.com.na

Vaarwel, mediaveteraan

Kommentaar

Republikein 2026-11-09

Meld asseblief aan om kommentaar te lewer

Vaarwel, mediaveteraan

Kommentaar

Republikein 2026-11-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.