Theuns Jordaan in SA Heldesaal opgeneem

Die ontslape Suid-Afrikaanse sanger Theuns Jordaan is Sondag in die Suid-Afrikaanse Heldesaal by die FNB-stadion in Johannesburg opgeneem.Jordaan, sanger, liedjieskrywer en skepper van tydlose liedjies soos “Soos bloed” en “Sal jy bly”, se naam is nou saam met 134 ander grotes verewig wat diep spore in Suid-Afrika getrap het, soos oudpres. Nelson Mandela, emeritus aartsbiskop Desmond Tutu en die 1995-Springbokspan wat ook in die heldesaal opgeneem is. Ander Afrikaanse sangers wat voor Jordaan hier opgeneem is, is Bles Bridges, Gé Korsten en Laurika Rauch.Volgens Johnny Burger, uitvoerende hoof van die Suid-Afrikaanse Heldesaal, dien die verering van uitsonderlike Suid-Afrikaners ook om die jeug “te inspireer om hul volle potensiaal te bereik”.Die oorkonde is Sondag aan Jordaan se pa, Willie Jordaan, op ’n spesiale geleentheid in Pretoria oorhandig waar sangers soos Bobby van Jaarsveld, Bok van Blerk en Jay teenwoordig was. Die musiekkonsert Afrikaans is Groot is ook Sondag in die SunBet Arena in Pretoria aangebied nadat dit vir drie jaar weens die Covid-19-pandemie nie kon plaasvind nie.“Ná drie jaar is die lang gewag vir Afrikaans is Groot verby, maar dit bring sy eie hartseer,” het Burger in ’n verklaring gesê.“Ons vereer ’n reus. Iemand wat net te vroeg die wêreld verlaat het. Hy sal onthou word as die sanger wat nie net ’n verskil vir ons gemaak het nie, hy het ’n verskil ín ons gemaak. Sy vlees is weg, maar sy stem sal vir generasies in ons harte weergalm. Ons eer jou roemryke loopbaan,” het Burger gesê.Jordaan is in November verlede jaar op 50 aan kanker dood.Daar is ook op die geleentheid aangekondig dat R2 miljoen uit Jordaan se boedel aan die Pretoriase bloedkankerpraktyk ACT (Alberts Cellular Therapy) vir navorsing geskenk is.Bron: Netwerk24

Theuns Jordaan in SA Heldesaal opgeneem

Kommentaar

Republikein 2026-02-03

Meld asseblief aan om kommentaar te lewer

Theuns Jordaan in SA Heldesaal opgeneem

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.