Ouma Lena 103 keer om die son

Ouma Lena Bezuidenhoudt, bekend as die ystervrou van Okahandja, vier vandag haar 103de verjaarsdag saam met haar kinders, kleinkinders, agterkleinkinders, familie en vriende. Ouma Lena het diep spore getrap met die opbou van Okahandja se gemeenskap en haar moederhart vol liefde en omgee. “Haar geheue is nog goed en sy kan nog lekker lag en saam gesels. Vandag kan ons die Here eer vir Sy genadehand wat haar trou bewaar het,” skryf haar familie. “Seënwense aan ’n vrou wie se waarde ver bo korale is.” Foto verskaf