Ouddokter (99) van Maltahöhe sterf

’n Vrou wat as dokter diep spore in Namibië getrap het, is op die vooraand van haar 100ste verjaarsdag in Windhoek oorlede.Cecily (Franziska) du Toit is in Kaapstad gebore en het op Worcester in Suid-Afrika grootgeword. Ná haar studies in die buurland studeer sy vir ses jaar medies aan die Universiteit van Edinburg in Skotland waar sy in 1951 haar graad behaal. Nadat sy haar hospitaaljaar by die Grootte Schuur-hospitaal in Kaapstad voltooi, begin haar Namibiese reis toe sy die dokter op Maltahöhe kom aflos. Hier ontmoet sy haar toekomstige man, Andries du Toit, ’n boer van die plaas Kareekolk in die Maltahöhe-distrik. Die paartjie trou in 1953 in Kaapstad en vier kinders – Francisca, Cecilia, Gerhard en Vincent - word uit die huwelik gebore. In 2002 ontval Andries haar na ’n stryd met kanker. In haar tyd as dokter en distriksgeneesheer op Maltahöhe dien sy haar gemeenskap vir 12 jaar onder haar nooiensvan Borchards. Sy staan ook as locum vir dokters oraloor Namibië van Outjo tot Opuwo in. In die laat 1980’s tree sy op Swakopmund af en vul haar vol lewe met van skilder, gereelde swemsessies tot lid van ’n plaaslike brugklub. In 2019 verhuis sy na Windhoek om by haar dogter te kom woon en waar sy ’n betreklik gesonde lewe gelei het. Sy herstel egter nie ná ’n val waarin sy haar been gebreek het nie. Sy is op 7 Mei – sowat ’n maand voor haar 100ste verjaarsdag op 22 Junie – in die hoofstad oorlede. Sy word buiten haar vier kinders oorleef deur sewe kleinkinders en nege agterkleinkinders. – henriette@republikein.com.na

Ouddokter (99) van Maltahöhe sterf

Kommentaar

Republikein 2026-08-25

Meld asseblief aan om kommentaar te lewer

Ouddokter (99) van Maltahöhe sterf

Kommentaar

Republikein 2026-08-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.