‘Ons verstaan nie, maar ons aanvaar’

“Ons kollegas was so jonk, so vol lewe en so gretig om uit te blink in hul lewens en op Vrydag is alles tot stilstand geruk.”Só het die voorsitter van die Westair-groep, Wolfgang Grellmann, Woensdag gesê tydens die gedenkdiens ter nagedagtenis aan Rozanne de Beer-Olivier, Armand Lubbe en Ruan van Schalkwyk, wat hul lewens verlede Vrydag in ’n tragiese vliegongeluk verloor het.Die geleentheid is in ’n vliegtuigloods by die Eros-lughawe in Windhoek gehou en meer as 100 mense was teenwoordig.Die tegniese direkteur van die Westair-groep, Mike Mayers, het die geleentheid afgesluit met die woorde: “Ons verstaan nie, maar ons aanvaar”. Daarna het almal ’n laaste verbyvlieg aanskou.‘ROZANNE WAS FAMILIE’Grellmann het met meegevoel gepraat oor elkeen van die slagoffers, wat al drie in diens van Westair was.“Wie sou kon raai van die oomblik dat daardie klein, jong, nederige vrou by ons deure ingestap het, dat sy so ’n impak sou maak en soveel mense se harte en lewens sou aanraak,” het Grellmann oor Rozanne gesê.Hy het gesê dat sy sedert die begin van haar indiensneming by Westair uiters vasberade en toegewyd was in alles wat sy aangepak het. Volgens hom was sy goed op dreef in haar loopbaan – “sy het in elke opsig presteer”.“Geen werk, geen vliegtuig, was ooit vir haar te groot nie.“Sy was nie net ’n vriend of kollega nie, Rozanne was familie. Haar afwesigheid sal vir altyd gevoel word. Nooit vergete nie, maar altyd in ons harte.”ARMAND WAS ‘BANG VIR NIKS’Grellmann het Armand se passie, werksetiek en hoë energie geloof.“Sy dood laat ’n leemte in Westair, wat nooit weer gevul sal word nie.“Kortbroek, vellies en bier in die hand op Saterdae by die boeremark, is hoe ons vir Lubbe sal onthou.”Mayers is die hoof van die Westair Wings-span waarvan Armand ’n lid was. Hy is ook Armand se oom.“Hy het ’n hart groter as ’n leeu en hy laat my dink aan ’n pitbull – bang vir niks nie.”RUAN WAS ’N ‘BESONDERSE JONG MAN’Grellmann het daarop gewys dat Ruan voor die noodlottige vliegongeluk nog net sewe maande by Westair gewerk het.Hy meen wel dit was van die eerste oomblikke af duidelik dat Ruan ’n besonderse jong man was.Hy het gesê Ruan was toegewyd aan sy opleiding, was passievol oor sy werk en het &#039;n respekvolle houding gehad teenoor almal wat hy teëgekom het.“Ruan, ons is hartseer dat ons nie die geleentheid gehad het om saam met jou op jou Westair-pad te groei nie.“Jou vriendelike glimlag sal op elke laaiblad en in elke kajuit gemis word.”– kristien@nmh-hub.com.na

‘Ons verstaan nie, maar ons aanvaar’

Kommentaar

Republikein 2025-12-11

Meld asseblief aan om kommentaar te lewer

‘Ons verstaan nie, maar ons aanvaar’

Kommentaar

Republikein 2025-12-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.