NVV ondersteun vrouewerkers

Die Namibiese Vrouevereniging (NVV) se Otjiwarongo-tak het onlangs herbruikbare sanitêre doekies aan die vrouewerkers van Makarra Bush Products geskenk. “Julle bydrae verskaf nie net ’n noodsaaklike produk nie, maar help ook om waardigheid, gemak en die welstand van ons werksmag te bevorder. Deur ons vroue op hierdie manier te ondersteun, maak julle ’n betekenisvolle verskil in hul daaglikse lewens en ons is opreg dankbaar vir jul vrygewigheid,” het Ingrid Reddig namens Makarra in ’n brief aan die NVV gesê. Foto verskaf