'n Nuwe era vir Swakop Rotariërs

"Die Rotariërs het my beslis die platform gegee om te groei as &#039;n individu en om as &#039;n vrou meer vir my gemeenskap te doen," sê die Swakopmund Rotariërs se nuwe voorsitter, Kathryn McLean. Kathryn is een van drie susters en sê &#039;n vrygewige karakter is een van die waardes wat wat haar ouers nog altyd belangrik geag het. "Ek dink dit is maar net my ouers wat ons altyd beïnvloed het om goed te doen vir ander in die gemeenskap. Ons het nog altyd grootgeword met die filosofie dat jy altyd genoeg sal hê as jy vir ander gee," sê sy. Selfs in haar tienerjare as leerling by Namib High op Swakopmund, onthou sy dat sy &#039;n Amerikaner vergesel het om &#039;n hand by te sit in sy sopkombuis. Van haar uitstaanoomblikke as &#039;n Rotariër is elke keer wanneer lede honde- en katkos by die Dierebeskermingsvereniging (DBV) gaan aflaai en middagetes wat die klub vir bejaardes kon reël."Ons werk ook om die vergaderings meer sosiaal te maak. Daarom het ons met verskeie ander klubs in die omgewing soos die Lions, Round Table en die Ladies Circle vergader wat &#039;n spesiale oomblik was om nuwe mense te ontmoet en &#039;n netwerk op te bou." Hoewel sy nou &#039;n trotse Rotariër is, sê Kathryn sy was oorspronklik huiwerig om aan te sluit."Ek was nie seker of ek myself tot die Rotariërs kon verbind nie. Toe ek egter saam met hulle uitgaan en sien wat hulle doen, was ek oortuig! Ek dink ook die tyd wat ek sekretariële werk vir die klub gedoen het, het my baie meer insig gegee in dit wat hulle werklik doen," sê sy. Vir Kathryn is die Rotariërs die perfekte plek om &#039;n verskil te maak. "My lewensleuse is &#039;n stukkie van Mahatma Ghandi se wysheid - &#039;be the change you want to see in the world&#039;. Ek dink die Rotariërs gun my die geleentheid om &#039;n verskil te maak in my gemeenskap. Ons kan wel nie die wêreld verander nie, maar ons kan ons gemeenskap verander," sê sy. Sy hoop om in haar jaar as voorsitter van die Swakopmund Rotariërs nie net &#039;n groter bewustheid van die Rotariërs te skep nie, maar ook om vroue te bemagting "sonder om van die jong mans te vergeet". "Ek dink ná Covid-19 is geestesgesteldheid &#039;n probleem. Ons sal ook graag hier wil help en steeds ons vlagskipprojek, Mondesa Youth Oppourtunities (MYO), ondersteun." Die internasionale Rotariër-organisasie het onlangs omgewingsbewaring bygevoeg as een van sy pillare en volgens Kathryn gaan die Swakopmund Rotariërs steeds aan hul jarelange verhouding met Elephant Human Relations Aid (EHRA) bou. - irene-mari@erongo.com.na

'n Nuwe era vir Swakop Rotariërs

Kommentaar

Republikein 2026-01-29

Meld asseblief aan om kommentaar te lewer

'n Nuwe era vir Swakop Rotariërs

Kommentaar

Republikein 2026-01-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.