Motorsport in Afrika bou momentum op

Meer as 45 jaar ná die spoedgogga vir Derek Jacobs op die ouderdom van agt jaar oud gebyt het toe hy begin het om aan baanrenne deel te neem, sal hy eersdaags ’n nuwe pos in motorsport beklee.Derek is een van twee beamptes wat deur die internasionale motorsportfederasie, Federation Internationale de l&#039;Automobile (FIA), gekies is om aan die stuur van opleiding en ontwikkeling op die Afrika-vasteland te wees.Jare ná sy liefde vir motorrenne by die Killarney-renbaan in Kaapstad vlamgevat het, sou ’n berig in ’n motorsport-tydskrif sy fokus na tydrenne (rallies) verskuif.“Ek mag bevooroordeeld wees, maar as jy my sou vra, is rally die koning van motorsport – nie Formule-1 nie,” sê hy.Derek het in 1977 vir die eerste keer aan ’n tydren deelgeneem as ’n baanopsiener (marshall) voor hy op 32 die jongste A-graad-baanklerk (clerk of the course) in tydrenne in Suid-Afrika geword het. Hy het sedert 1990 aan verskeie tydrenne as ’n navigator deelgeneem en sê dis waar sy passie steeds lê.“Navigasie is waarin ek goed is,” sê hy.Hy glo dit is te danke aan Covid-19 dat hy die nuwe pos losgeslaan het.“Nigerië wou ’n virtuele opleidingseminaar hou oor die basiese inligting oor motorsport en die vrou wat dit moes aanbied, het Covid gekry. Iemand het my toe gebel om vir haar in te staan.“’n Opname is van die seminaar gemaak en aan die FIA gestuur en van daar af het ek begin om meer by opleiding betrokke te raak,” het hy gesê.GEBREKKIGE FONDASIEDerek sê die FIA se pogings om jong talent in lande wêreldwyd te lok, kan nie net in Afrika gedupliseer word nie.“Dit is nie aan die FIA duidelik wat die verskille in Afrika is nie. . . Hulle gooi baie bo in, maar daar is niks onder om dit te vang nie,” sê hy.Hy sê talle motorsportfederasies oraloor die vasteland sukkel om ontwikkelingsprogramme op die been te bring, omdat ontwikkeling nie genoeg aandag geniet nie.“Baiekeer is dit asof ons vir iemand ’n motor gee en sê: ‘Hier is die sleutels’, maar sê ons vir hulle watter knoppies hulle moet druk om dit aan te skakel? Het hulle dalk vergeet hulle moet daardie knoppie druk en ons moet hulle net herinner? Die FIA het in 2014 ’n ontwikkelingsgids vir motorsportfederasies bekend gestel, en dit is goed gedoen, maar daardie inligting is net waardevol vir diegene wat dit kan verstaan,” sê hy.Derek voeg by die skakel tussen Afrika en die res van die wêreld kan ook verbeter word.“Ons het ’n ma van Mosambiek gehad wat vir ons gevra het hoe sy haar seun by Formule-4, wat die beginpunt is as jy na Formule-1 wil vorder, betrokke kan kry. Hulle is bereid om dit te doen, maar hulle moet net weet hoe om daar te kom,” sê hy.Daadwerklike oplossings om die motorsportfederasies in Afrika op dieselfde standaard as ander internasionale federasies te kry, is volgens Derek broodnodig.“Namibië het gevestigde motorsportinfrastruktuur, maar ons kan nie net vier federasies hê wat aan die vereistes kan voldoen nie; ons almal moet op dieselfde bladsy wees,” sê hy.– irene@republikein.com.na

Motorsport in Afrika bou momentum op

Kommentaar

Republikein 2025-12-22

Meld asseblief aan om kommentaar te lewer

Motorsport in Afrika bou momentum op

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.