Leeu van kant gemaak wat Kebbel se lewe eis
NEC maan teen gevare van kampeer in Noordweste
Ná die tragiese voorval waarin 'n bekende sakeman en natuurliefhebber gesterf het, het nóg kampeerders glo vroeg gisteroggend aanvalle deur leeus in dieselfde omgewing aangemeld.
Vriende van die bekende sakeman en natuurliefhebber, Bernd Kebbel (59), wat ruim vir leeunavorsing geskenk het, sê dit is ironies en tragies dat ’n woestynaangepaste leeu waaroor hy so hartstogtelik was, Vrydagoggend vroeg sy lewe geëis het.
Die woestynaangepaste leeumannetjie met die swart maanhare, Kebbel, is na Bernd Kebbel vernoem, maar is in 2017 weens mens-dier-konflik deur ’n trofeejagter doodgeskiet. Kebbel, die voormalige eienaar van Off-road Centre, het die Woestynleeu-bewaringsorganisasie van die bekende leeunavorser, dr. Philip Stander, ondersteun, asook die navorsing van woestynaangepaste olifante.
Die tragiese voorval het Vrydag in die vroeë oggendure plaasgevind toe Kebbel saam met sy vrou, Conny, en ’n groep familie en vriende in die Hoanibrivier, 4 km vanaf Wilderness se Hoanib Skeleton Coast Camp in die omgewing van Sesfontein, gekamp het.
Kebbel het glo vroegoggend van sy voertuig se daktent afgeklim en is deur ’n woestynleeuwyfie, Charlie, aangeval, van die leer afgetrek en aan sy kop en nek gebyt.
“Sy vrou het om hulp geskree, die kampeerders het kom help toe die leeu bo-op hom was en kon daarin slaag om die leeu weg te jaag, maar dit was te laat. Die man het op die toneel aan sy wonde beswyk,” het die Kunenestreek se koördineerder vir misdaadondersoeke, adj.komm. Eric Clay, aan Network Media Hub (NMH) gesê.
“Dit was baie traumaties vir sy vrou en die ander,” het Clay gesê wat saam met beamptes van die ministerie van die omgewing, bosbou en toerisme die toneel besoek het.
Hy het bevestig die polisie het Kebbel se liggaam na Opuwo vervoer waar ’n nadoodse ondersoek vandag uitgevoer sal word om die oorsaak van sy dood te bevestig.
Wilderness het vir Conny en Kebbel se suster, Uta Ahrens, na Windhoek teruggevlieg en vriende het hul voertuie terugbestuur. Die Kebbel-egpaar het ’n seun Dieter en ’n dogter Heidi.
MENS-DIER-KONFLIK
Volgens die woordvoerder van die Namibiese polisie, inspekteur Immanuel Iiduwa, is ’n saak van mens-dier-konflik in die Kunenestreek aanhangig gemaak.
Intussen het nóg kampeerders glo vroeg gisteroggend aanvalle deur leeus in dieselfde omgewing aangemeld.
Ondanks ’n klagskrif op Change.org met meer as 300 handtekeninge gisteroggend wat gepleit het dat die leeuwyfie Charlie nie weens die tragiese voorval van kant gemaak moet word nie, is die leeuwyfie wel gisteroggend doodgeskiet.
Natuurbewaringbeamptes het glo gesukkel om die leeuwyfie op te spoor, omdat sy weggekruip het en haar satellietnekband se sein dood was.
Die Namibiese Kamer van die Omgewing (NCE) het die publiek gewaarsku oor die gevare van kampeer in die Noordweste.
“Dit is nie die eerste keer dat leeus kampeerders aanval nie. Die onlangse reën sal die leeus meer desperaat as gewoonlik vir prooi maak, aangesien hul natuurlike prooi versprei is en moeiliker raak om te jag. Ons opregte meegevoel aan die familie van Bernd Kebbel.”
Die uniekheid van die Kunenestreek lê juis daarin dat dit nie ’n wildpark is waar reëls en regulasies die publiek kan verhoed om in die natuur te kampeer nie.
MEDELYE
Boodskappe van medelye het van heinde en verre ingestroom.
Die Namibiese aktrise en aanbieder van Op pad met my Potjie, Joalette de Villers, het op sosiale media geskryf: “Meegevoel aan die familie en vriende. Op ’n manier is dit bittersoet. Hy het hierdie lewe verlaat met iets waaroor hy passievol was om te beskerm. En ek neem geensins enigiets weg van die trauma van hierdie gebeurtenis nie. Jammer vir julle verlies.”
Die reis- en toerismemaatskappy, Paparazzi Namib Trails & Safaris, het gesê Kebbel was ’n man wie se liefde vir die Namibiese landskap en sy natuur diep gewortel was.
“Kebbel was meer as net ’n prominente figuur in toerisme- en veldvoertuigkringe. Hy was ook ’n toegewyde ondersteuner van woestynleeunavorsing en het sy passie vir Afrika se ongetemde natuurskoon met baie gedeel.
“Mag sy nalatenskap voortleef in die spore wat hy in die sand van ons geliefde land gelaat het. Namibië sal hom onthou.”
– [email protected]
Die woestynaangepaste leeumannetjie met die swart maanhare, Kebbel, is na Bernd Kebbel vernoem, maar is in 2017 weens mens-dier-konflik deur ’n trofeejagter doodgeskiet. Kebbel, die voormalige eienaar van Off-road Centre, het die Woestynleeu-bewaringsorganisasie van die bekende leeunavorser, dr. Philip Stander, ondersteun, asook die navorsing van woestynaangepaste olifante.
Die tragiese voorval het Vrydag in die vroeë oggendure plaasgevind toe Kebbel saam met sy vrou, Conny, en ’n groep familie en vriende in die Hoanibrivier, 4 km vanaf Wilderness se Hoanib Skeleton Coast Camp in die omgewing van Sesfontein, gekamp het.
Kebbel het glo vroegoggend van sy voertuig se daktent afgeklim en is deur ’n woestynleeuwyfie, Charlie, aangeval, van die leer afgetrek en aan sy kop en nek gebyt.
“Sy vrou het om hulp geskree, die kampeerders het kom help toe die leeu bo-op hom was en kon daarin slaag om die leeu weg te jaag, maar dit was te laat. Die man het op die toneel aan sy wonde beswyk,” het die Kunenestreek se koördineerder vir misdaadondersoeke, adj.komm. Eric Clay, aan Network Media Hub (NMH) gesê.
“Dit was baie traumaties vir sy vrou en die ander,” het Clay gesê wat saam met beamptes van die ministerie van die omgewing, bosbou en toerisme die toneel besoek het.
Hy het bevestig die polisie het Kebbel se liggaam na Opuwo vervoer waar ’n nadoodse ondersoek vandag uitgevoer sal word om die oorsaak van sy dood te bevestig.
Wilderness het vir Conny en Kebbel se suster, Uta Ahrens, na Windhoek teruggevlieg en vriende het hul voertuie terugbestuur. Die Kebbel-egpaar het ’n seun Dieter en ’n dogter Heidi.
MENS-DIER-KONFLIK
Volgens die woordvoerder van die Namibiese polisie, inspekteur Immanuel Iiduwa, is ’n saak van mens-dier-konflik in die Kunenestreek aanhangig gemaak.
Intussen het nóg kampeerders glo vroeg gisteroggend aanvalle deur leeus in dieselfde omgewing aangemeld.
Ondanks ’n klagskrif op Change.org met meer as 300 handtekeninge gisteroggend wat gepleit het dat die leeuwyfie Charlie nie weens die tragiese voorval van kant gemaak moet word nie, is die leeuwyfie wel gisteroggend doodgeskiet.
Natuurbewaringbeamptes het glo gesukkel om die leeuwyfie op te spoor, omdat sy weggekruip het en haar satellietnekband se sein dood was.
Die Namibiese Kamer van die Omgewing (NCE) het die publiek gewaarsku oor die gevare van kampeer in die Noordweste.
“Dit is nie die eerste keer dat leeus kampeerders aanval nie. Die onlangse reën sal die leeus meer desperaat as gewoonlik vir prooi maak, aangesien hul natuurlike prooi versprei is en moeiliker raak om te jag. Ons opregte meegevoel aan die familie van Bernd Kebbel.”
Die uniekheid van die Kunenestreek lê juis daarin dat dit nie ’n wildpark is waar reëls en regulasies die publiek kan verhoed om in die natuur te kampeer nie.
MEDELYE
Boodskappe van medelye het van heinde en verre ingestroom.
Die Namibiese aktrise en aanbieder van Op pad met my Potjie, Joalette de Villers, het op sosiale media geskryf: “Meegevoel aan die familie en vriende. Op ’n manier is dit bittersoet. Hy het hierdie lewe verlaat met iets waaroor hy passievol was om te beskerm. En ek neem geensins enigiets weg van die trauma van hierdie gebeurtenis nie. Jammer vir julle verlies.”
Die reis- en toerismemaatskappy, Paparazzi Namib Trails & Safaris, het gesê Kebbel was ’n man wie se liefde vir die Namibiese landskap en sy natuur diep gewortel was.
“Kebbel was meer as net ’n prominente figuur in toerisme- en veldvoertuigkringe. Hy was ook ’n toegewyde ondersteuner van woestynleeunavorsing en het sy passie vir Afrika se ongetemde natuurskoon met baie gedeel.
“Mag sy nalatenskap voortleef in die spore wat hy in die sand van ons geliefde land gelaat het. Namibië sal hom onthou.”
– [email protected]
Kommentaar
Republikein
Geen kommentaar is op hierdie artikel gelaat nie